زيادة ساعات قطع الكهرباء يثير الجدل، النشطاء يطالبون بالجدول والمشاهير يوجهون رسائل للحكومة

قطع الكهرباء، لا تزال مشكلة قطع الكهرباء تلقي بظلالها على الأحداث، وخاصة بعد زيادة عدد ساعات انقطاع الكهرباء، الذي وصل في بعض الأماكن إلى 4 ساعات، دون أن تعلن وزارة الكهرباء عن جدول محدد لأماكن انقطاع الكهرباء، وعدد ساعات الانقطاع في كل مكان.
قطع الكهرباء يثير ردود أفعال واسعة
وأثار قطع الكهرباء ردود أفعال واسعة وجدلا بين نشطاء مواقع التواصل الاجتماعي، ودخل بعض المشاهير على خط مشكلة قطع الكهرباء اليومي، موجهين رسالة للحكومة عن سبب زيادة ساعات الانقطاع، ومؤكدين أن الكهرباء ليست للإضاءة فقط، ولكنها طاقة لإنجاز الأعمال.

مشكلة قطع الكهرباء في مصر، فيتو
قال الروائي إبراهيم عبد المجيد: "الكهربا كانت بتقطع في شارعنا في حدائق الأهرام ساعة وبعدين بقت نصف ساعة من أسبوعين لغاية أول إمبارح وقلت هانت. إمبارح قطعت 4 ساعات. طيب أيه اللي حصل في يوم وليلة كدا..."
وعلق الفنان نبيل الحلفاوي قائلًا: "الكهربا مش نور وبس. بل طاقة لازمة لإنجاز عمل الكثيرين وللاستذكار وللدراسة وللمصاعد ولحفظ أدوية في البيوت والصيدليات تستلزم الثلاجة وكذلك الأطعمة وإلى غيرها من أوجه استخدام الطاقة مثل النت الضروري لعمل البعض. كل ده كان بيبقى شغال لما نقتصر على إطفاء النور."
المطالبة بجدول لقطع الكهرباء
وطالبت عبير عسران بعدم قطع النور في ساعات الاستذكار قائلة: "كفايه قطع النور حرام عليكم عندنا أولاد في مدارس وعندنا امتحانات من 7ل9 بليل طب نذاكر أمتى وهما أساسا بيناموا 9..."
عودة مشكلة قطع الكهرباء، فيتو
وردت لمياء قنصوة " دلوقتي إحنا جدول الكهرباء بتاعنا من 6 ل 8 ودلوقتي قطع من 11 ل واحدة... ده معناه إننا هنرجع تاني للظلام."
أما مصرية فقالت: "ساعتين في اليوم كفاية 4 ساعات كتير.. والمناطق التي لم يقطع عنها التيار خالص ياريت تدخلوها جدول قطع الكهرباء علشان كفاية ساعتين مش أربعة بعد ماكانت ساعة في عز الصيف"

السخرية من قطع الكهرباء بدون جدول
وعلق هيثم سالم قائلًا: "هي وزارة الكهرباء مالها اليومين دول ليه كده هو إحنا مش خلصنا من تخفيض الأحمال ولا أيه؟ قطع الكهرباء دلوقتي بقى من غير جدول ولا حاجة"
زيادة ساعات قطع الكهرباء، فيتو

أما مصعب عبد الله فقال: "حتى الراجل بتاع الجامع بيقول إن النور هيقطع بعد ساعة وهيقطع ساعتين شكلهم عاملينها جدولا رسميا"
وسخرت منى وندر فري قائلة: " قطع الكهربا بقى من1 ل3 بالليل والمعاد ثابت لو في حرامي بيفكر يسرق ولا حاجة يتفضل لو حد بيحاول يظبط نومه لو حد عايز يتأمل النجوم لو حد لسه مشغل المكيف في أكتوبر مفيش الكلام ده هيقفله لو حد عايز يفصل من الأخبار ومش عارف، دول مش حكومة لا دول ناس حنينة عايزة تشوفنا أفضل.. عندي تعديل بس يبقى معاد قطع الكهربا موحد على الجميع وكلنا نبدأ مديتيشن وبدل فكرة قطع كهربا وجدول ولا أيه طاقة سلبية يعني نغير، تبقى حملة ساعتين مديتيشن..."
النشطاء يلومون الحكومة لقطع الكهرباء
وعلقت هالة موسى قائلة: "حكومتنا الذكية رجعت تقطع الكهربا تاني والمرة دي من غير جدول ولا مواعيد ولا مدة محددة يعني بالساعتين والتلاتة وفي أي وقت أنت وحظك.."
وقال أحمد جمال: "ياجماعة بخصوص قطع الكهربا، أن يوميًا الكهربا هتقطع ساعتين نهارًا بدل ساعة واحدة والجديد كمان إن في 3 أيام في الأسبوع الكهرباء هتقطع فيهم ساعتين من 11 مساءً ل 1 صباحًا والمفروض أن في جدول يتعمل..."
الحكومة: أوقفنا تصدير الغاز وارتفاع درجات الحرارة سبب قطع الكهرباء
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.