نيللي كريم تكشف حقيقة خلافها مع محمد رمضان ومشكلتها في فيلم ع الزيرو (فيديو)

نيللي كريم، كشفت الفنانة نيللي كريم، حقيقة وصحة ما يتردد بشأن خلافها مع الفنان محمد رمضان وفريق عمل فيلم "ع الزيرو".

مشاهد محمد رمضان
وقالت نيللي كريم خلال تصريحات إذاعية بالراديو 9090: "محمد رمضان هايل ولذيذ ومجتهد جدا وكل مشاهد الأكشن كان بيعملها بنفسه ومبيتعبش وروحنا المنصورة وفي القاهرة الناس بتحبه وبتحتفى به".

مشكلة نيللي كريم في فيلم ع الزيرو
وأضافت:"معنديش أي تعليق بشأن ما يدار عن أي خلافات مع فريق عمل فيلم ع الزيرو، إلا أن أقول إني كنت سعيدة بالعمل مع ماندو العدل ومحمد رمضان، ولكن أنا بالنسبة لي كورق ودور بعتبر نفسي طلعت ضيفة شرف مش أكتر من كده، وهو فيلم لمحمد رمضان كبطولة والطفل، وأنا معنديش مشكلة مع حد ولكن كان عندي اختلافات في وجهات النظر كممثل وشركات الإنتاج معندهاش حتة إدارة الممثل بيبقى بالمشروع لكن محدش قلبه على الممثل إزاي أطلعه بأحسن شكل وأعمله أحسن حاجة وكل منتج بيبقى همه على المشروع ككل والممثلة زيي لو مخططتش وتعبت مع نفسي محدش هيعملي حاجة".

نيللي كريم مدافعة عن زوجها هشام عاشور: أنا كمان اتشتمت في بدايتي (فيديو)
جمال العدل يكشف سر غياب نيللي كريم عن العرض الخاص لفيلم "ع الزيرو" (فيديو)

في نفس اللقاء، علقت الفنانة نيللي كريم، على الهجوم الذي تعرض لها زوجها الفنان هشام عاشور، بسبب مشاركته معها في مسلسل "عملة نادرة" الذي عرض في رمضان الماضي.

معاناة نيللي كريم في بداية حياتها

وقالت نيللي كريم: "كلنا بنعدي بالمرحلة اللي مر بيها هشام عاشور، وأي حد بيجي يمثل أول مرة إما يتشتم وبعد كده يكمل أو يتشكر وبعدين يتشتم، وأنا اتشتمت أول ما بدأت أمثل لما عملت فوازير وكتبوا على نسخة مشوهة من نيللي وشريهان".
الهجوم علي نيللي كريم

وأضافت نيللي كريم: "اتكتب على مقالات تحمل شتيمة أول لما بدأت أمثل خاصة مع تجربة الفوازير، وبعد الشتائم اللي اتعرضت لها لقيت سيدة الشاشة العربية الفنانة فاتن حمامة عايزاني معاها في مسلسل وجه القمر، فقلت لها الناس كلها شتمتني وانت جبتيني ليه فقالت لي انتي كويسة أوي ومليش علاقة باللي بيشتموا".

مشوار النجاح

وأكملت: "الشتيمة اللي اتشتمتها في الأول مهتمتش بيها ومشيت في طريقي وأي ممثل في بداية المشوار بيحتاج دعم ولكن فيه ناس كتير نجحوا اتشتموا في الأول".


ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.