ليلى علوي: "تعرضت للخيانة وحب عليا، وبعدها قلت له باي باي"

قالت الفنانة ليلى علوي: "تعرضت في حياتي إن فيه حد حب عليا، وتعرضت للخيانة وأنا في الحالة دي مبسامحش، وبعدها قلت له باي باي، لإن خلاص مبقاش فيه ثقة".

سر نجاح العلاقة الزوجية
وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "الثقة والاحترام مهمين جدا علشان العلاقة الزوجية تكمل، وعمري ما أسامح في الخيانة وفي كل مرة اتجوزت واتطلقت كان قراري، ومفيش مرة ندمت على قرار أخدته".
ليلى علوي: المجتمع بقى مجهد والناس ماشية في الشارع متنحة والهم مسيطر عليها
ليلى علوي: زهقت من التمثيل بسبب الدراما وأوقات بعيط في التصوير
حياة ليلى علوي
وتابعت: "مبحبش الوحدة بس مبزهقش من الوحدة، وبحب اقعد لوحدي لإن بيبقى جوايا حاجات بعملها وساعات بارسم، وأنا والله العظيم مبحسش إني حلوة، ودايما بظهر على طبيعتي".
ليلى علوي، وفي نفس اللقاء، قالت الفنانة ليلى علوي: "بيحصل كتير إن الرقابة بتشيل مشاهد كتير حتى من الأفلام الكوميدية، أنا عملت كوميدي كتير ولكن بيوحشني التنوع".

قرار حاسم من ليلى علوي بشأن الدراما
وتابعت: "أنا قررت السنة دي مشتغلش دراما خالص، وأهتم بالسينما، ويمكن علشان أنا متوفقتش في الدراما، وأنا مش عايزة أشتغل ال30 حلقة خالص والسينما مريحة عن التليفزيون".

معاناة ليلى في التصوير
وتابعت ليلى علوي: "أنا زهقت من التمثيل بسبب شغل ال30 حلقة في المسلسل، يعني أنا مثلا النهاردة اشتغلت من 7 الصبح وخلصت 7 بالليل، وساعات بنشتغل ال24 ساعة، وأحيانا بعيط من التعب والإجهاد، وبتصعب عليا نفسي وبقاوم وأجاهد علشان اطلع نتيجة كويسة".

قالت الفنانة ليلى علوي: "شايفة إن ثقافة الناس دلوقتي في تقبل الأعمال الفنية الجريئة أفضل من 10 سنين مضوا، وأعتقد أن فيلم بحب السيما لو اتعرض دلوقتي الرقابة المجتمعية هتقبله ومش هيبقى فيه رفض".
أزمة المجتمع المصري في الوقت الحالي
وأشارت: "المجتمع بقى مجهد جدا دلوقتي والناس ماشية في الشارع متنحة وبحس ان الهم مسيطر علي الناس".

مشكلة الأعمال الفنية والدرامية حاليا
وتابعت ليلى علوي:"الناس بقوا مهمومين مستقبلهم ومستقبل تربية ورعاية ابنائهم جدا دلوقتي، والنصوص الفنية والدرامية بقت قشرة ومبتغوصش في أحوال وظروف الناس والمجتمع ومشاكلهم وأحوالهم، وعلشان كده انا قررت مكملش في الدراما واروح ناحية السينما تاني".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.