رانيا يوسف: عندي أمل في الزواج تاني وممكن أحب الإكس بتاع صاحبتي (فيديو)

رانيا يوسف، تحدثت الفنانة رانيا يوسف، عن زيجاتها الثلاثة، والانجح فيهم، قائلة:"اتجوزت 3 مرات وأول زيجة هي الأنجح بالنسبة لي، إنما الاتنين الباقيين مكنوش ناجحين، ولسه عندي أمل في الزواج تاني، وعلاقتي ب أبو بناتي مش كويسة خالص وكنت أتمنى إننا نفضل صحاب".
وأضافت فى تصريحات تليفزيونية: "بناتي شجعوني إني أجرب الزواج تاني، وممكن أتجوز للمرة الرابعة"، مضيفة:"ممكن أحب زوج صحبتي فى حالة انفصالهما، ووارد أحب EX صاحبتي السابق، بس على حسب هما منفصلين بقالهم قد إيه، لو من فترة طويلة معنديش مشكلة، وصاحبتي أول واحدة هعرفها، ولو منفصلين من قريب مش هفكر فيه لأن الدنيا مبتقفش على حد".

الفنانة رانيا يوسف بنتي بيختاروا لى ملابسي
وأضافت الفنانة رانيا يوسف أن ابنتيها هما من يختاران لها ملابسها، قائلة: بناتي مشجعيني إني أجرب، ولو رايحة معاد مع شخص هما اللي بيختاروا لبسي، وهما شوية متفتحين في اللبس، وأنا بحب ألبس اللي يليق عليا سواء قصير أو طويل أو مفتوح أو مقفول على حسب، كما أني بحب الشورتات والمايوهات جدا وبحب الصيف".

وحول اللحظة التي ستقرر فيها الكشف لبناتها عن مواعدتها شخصا جديدا، قالت: "بعد شهور لإنهم عاصروا جوازتين معايا، ولازم أكون واثقة 90% على الأقل، مش عايزة أعرضهم لتجربة تؤثر على حياتهم".

الستات مش المفروض تجيب هدايا للرجالة

وتابعت: "بحكم إني بشتغل من فترة طويلة إتعودت أجيب حاجتي بنفسي، لكن ما يمنعش زي ما بيقول المثل أنا غنية وأحب الهدية، إن جوزي يدلعني ويجيب هدية حلوة، دي حاجة لطيفة".
وأضافت: "الستات مش المفروض تجيب هدايا للرجالة، أنا لوحدي هدية، والرجالة المفروض تدلع الستات مش العكس، أنا أدلعك بطريقتي".
وتابعت: "ممكن مثلا أدلعك بأنك ترجع البيت تلاقيني عاملة علشانك بيض بالبسطرمة، وده يبقى حدث لإني مش بطبخ".

محمد مختار يرد على اتهامات رانيا يوسف
وكان المنتج محمد مختار رد على تصريح رانيا يوسف والتى اتهمته بإنه لا ينفق علي بناته، قائلا:"السؤال ده انا مجاوبتش عليه علي مدى 5 سنين بس هجاوب عليه علشان العملية زادت، واحنا كنا متفقين عند فريد الديب المحامي بتاعها انها تتوقف علي هجومها على وعلي نادية الجندي، انا معايا ورق رسمي يثبت اني بصرف علي بناتي".

محمد مختار يبرئ نادية الجندي من اتهامات رانيا يوسف
وتابع:"نادية الجندي بريئة من كل الاتهامات اللي رانيا يوسف بتقولها ضدها، وبحول لبناتي فلوس علي الحساب البنكي بإنتظام والمحامي بتاع رانيا يوسف عارف كده".

مصروفات محمد مختار علي ابنتيه
وأضاف:"انا مستور الحمد لله اكتر من أهلى، ابويا كان في اليونسكو، وكل اللى اتطلب مني وفرته لبناتي، فلوس مدارس انترناشيونال انا دافعها والأكل والشرب وكل الإحتياجات وفرتها، وبدفع لهم أكل وشرب بس كل شهر 15 ألف جنيه، و800 ألف جنيه سنويا مصروفات التعليم".

سر اختيار خالد يوسف رانيا التومي وشمس في مسلسل سره الباتع
محمد مختار: طليق رانيا يوسف مسجل خطر ووقعها في قضية مخدرات (فيديو)

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.