محمد فؤاد يهدد طارق الشناوي بالسجن بسبب "سيد قشطة" (فيديو)

رد الفنان محمد فؤاد، على الانتقاد الذي وجهه له الناقد الفني طارق الشناوي، بشأن زيادة وزنه ووصفه ب"سيد قشطة".

محمد فؤاد يهدد طارق الشناوي
وقال محمد فؤاد خلال لقائه ببرنامج "العرافة" الذي تقدمه بسمة وهبة بقناة "النهار":"الوزن الزائد عقدة مش عارف أتخلص منها بس إيه العيب، يعني إيه سيد قشطة ده أنا أسجنك أروح المحكمة وأخليك تتسجن".

رسالة قوية من محمد فؤاد لطارق الشناوي
ووجه رسالة قوية ل طارق الشناوي:"لازم تبقى مؤدب أنت كده مش متربي ولا شوفت تربية، أنت مجنون؟ ده أنا لا أجرؤ أقول لحد كده، ازاي تقول عليا سيد قشطة؟ يعني ينفع أطلع أقول عليه قرد؟ هو فيه كده يتعلم جيل من وراك ازاي؟".

مقابلة محمد فؤاد وطارق الشناوي بالسعودية
ولفت:"لما قابلته في السعودية بيسلم عليا في وسط فنانين واحنا ضيوف عند المستشار تركي ال الشيخ وجاي بيسلم عليا اديله بالقلم، أقول له إيه؟ بيقولي أنت زعلان ليه؟ فضلت أكظم غيظي منه في السعودية احتراما للناس اللي هناك، أنا غصب عنه ما زلت نجم".

وأشار محمد فؤاد:"لما عملنا فيلم إسماعيلية رايح جاي، طارق الشناوي كتب عليه لفظ سيئ جدا وقال عامل زي ما يفرزه الطفل بعد ما ياكل بساعتين، انا مش فاهم علام هو متعلم فين؟ وهو موقفش الجمهور عند غناء محمد فؤاد ولا مساندة الفيلم ولا تاريخي".

محمد فؤاد يفجر مفاجأة عن مقلب رامز جلال ويكذب الطبيب المعالج له (فيديو)
طبيب محمد فؤاد يتهم رامز جلال بارتكاب جريمة شنعاء
موقف محمد فؤاد مع طارق الشناوي في فرنسا
ولفت:"روحت فرنسا وكانوا بيعرضوا فيلم إسماعيلية رايح جاي، في المركز العربي، ولا كإننا في مهرجان كان بكم الحفاوة بينا من الصحافة الأجنبية والجمهور اللى كان حاضر العرض، وطارق الشناوي وقتها قابلني وبينادي عليا وعامل فيها صاحبي مع أنه قبلها كان بيهاجمني، قلت له تعالى شوفت ده ربنا وكرمه علينا وأنت ربنا يتولاك في هجومك علينا، وبجد إنسان غريب الشكل، بقوله احترم نفسك كفاية كده، لمصلحة مين بتكسر في تاريخ محمد فؤاد".
نقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية