حمو بيكا: عمر كمال عملي سحر علشان يوقف حالي ومشاهدات محمد رمضان Fake (فيديو)

قال مؤدي المهرجانات حمو بيكا:"عمر كمال عملي عمل وسحر علشان مشتغلش ويوقف حالي ويشتغل هو، ولما روحت لشيخ قال لي حد اسمه عمر اللى عملك العمل ده وقاللى كلكم هتقعدوا وهو اللى هيشتغل وفعلا كلنا قعدنا انا وحسن وعمر اللى اشتغل".

سحر عمر كمال
وأضاف خلال الجزء الثاني من لقائه ببرنامج "العرافة" المذاع علي قناة "النهار " و"المحور":"الحمد لله ربنا كرمني وفكينا السحر بالقراَن ورجعت اشتغلت".
موقف حمو بيكا من سحر عمر كمال
ولفت:"بعد لما فكيت السحر واشتغلت بقيت أصاحب عمر كمال علشان ميعمليش عمل أو سحر تاني وكنت خايف منه، وربنا يستر وميجددش العمل تاني، وأنا فعلا لابس الفانلة الداخلية بالمقلوب خوفا من الأعمال".
مشاهدات محمد رمضان
وأشار:"محمد رمضان مشاهداته علي قناة اليوتيوب Fake ومزيفة وكله ممول ولو عايز أغنيتي تجيب ب100 مليون هخليها تجيب".

حمو بيكا يهاجم حسن شاكوش وعمر كمال: باعوني (فيديو)
حمو بيكا يكذب حسن شاكوش حول تكلفة حفل زفافه (فيديو)
في نفس اللقاء، وجه مؤدي المهرجانات حمو بيكا، رسالة مؤثرة للفنان هاني شاكر، بعد خلافاته معه فى نقابة المهن الموسيقية: " اللى أنت عملته معايا ظلم وافترى خاصة أنك منعتني من الغناء وشغلت كل بتوع المهرجانات".
وقال خلال لقائه ببرنامج "العرافة"، تقديم الإعلامية بسمة وهبة المذاع على فضائية "المحور": "هاني شاكر قطع عيشي وقعدني سنتين في البيت ودعيت عليه، وجاب لى سنتين حبس".

واضاف حمو بيكا: " الراحل شعبان عبد الرحيم وشكوكو كانوا بيغنوا وبيمثلوا ومكنش حد منهم عارف يعني مقامات الموسيقى، وحقي رجع بعد تولي مصطفى كامل نقابة المهن الموسيقية، وهاني شاكر كان عايز صوتي يتغيير طيب انا أغير صوتي إزاي".

عمر كمال وحسن شاكوش
وعن حظه مع أصحابه وأصدقائه فى العمل، أكد حمو بيكا: " حظي وحش ومنيل بستين نيلة، وأصدقائي يستغلوا الطيبة بتعتي وفى الأخر كلهم بيبعوني، وحظي وحش فى الناس كلهم"، مضيفا: " أنا راجل أهبل أني وقفت جنب حسن شاكوش وعمر كمال، وفى الأخر باعوني وأتكبروا عليا، وعمر كمال كان بياخد 40 جنية فى الحفل ودلوقتي كان 50 الف جنيه فى الحفل".

وأوضح: " الغناء ليس بالصوت وأنا صوتي على ادي ولكن لى جمهور كبير والناس بتحبني، وأنا أسرع من عمر كمال وحسن شاكوش، فى الغناء مع أني مبعرفش أقرأ ولا أكتب".

واتهم مؤدي المهرجانات حمو بيكا، مدير أعمال زميله حسن شاكوش، بانه وراء الخلافات بينهما، موضحا: " مدير أعمال حسن شاكوش، هو اللى بيسوحه فى مناطق غلط، وحسن شاكوش نجم وأتخلق للعمل، وليس للسهر ".
وأكد خلال لقائه ببرنامج "العرافة"، تقديم الإعلامية بسمة وهبة المذاع على فضائية "المحور": " حسن شاكوش مدمن سهر، وفى إحدى المرات كنت سهران لإحياء أحد الحفلات وفوجئت ب حسن شاكوش سهران معايا حتى السابعة صباحا فقلت له انت سهران ليه قوم روح وكان ذلك بعد زواجه ب 10 أيام".

وقال: " فى بداية حياتنا الفنية كنا بنام فى الاستديو، والشغل ده هو اللي خلانا نسافر ونعمل منه فلوس وآخر أغنية لحسن شاكوش حققت 300 ألف مشاهدة فقط".

حقيقة تكلفة حفل زفاف حسن شاكوش
وعن تكلفة حفل زفاف حسن شاكوش 4 ملايين و200 ألف جنيه، نفي حمو بيكا صحة تصريحات مؤدي المهرجانات حسن شاكوش، مؤكدا: " حديث حسن شاكوش عن تكلفة حفل زفافه كذب وحفل الزفاف لم يتكلف هذا المبلغ، خاصة وأن الفنان تامر حسني لم يحصل منه على أى مبالغ مالية نظير غنائه فى حفل الزفاف".

وعن تكلفة حفل زفاف حسن شاكوش أكد مؤدي المهرجانات حمو بيكا أن تكلفة حفل زفاف حسن شاكوش لا تتخطي 300 ألف جنيه، مؤكدا أن حفل زفاف حسن شاكوش كان فى فندق، متسائلا: " من أخذ باقى تكلفة حفل زفاف حسن شاكوش".
وعن تكلفة حفل زفاف حمو بيكا، أكد مؤدي المهرجانات أن حفل زفافه تكلف 50 ألف جنيه وجمع المبلغ من جمعية.

ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل: الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.