مواجهة ساخنة بين ريم البارودي وريهام سعيد (فيديو)

واجهت الإعلامية ريهام سعيد، الفنانة ريم البارودي على الهواء، بعد الأزمة العنيفة التي حدثت بينهما على الشاشة وامتدت لساحات القضاء، قائلة: "احنا قبل رمضان ب3 أيام بالظبط وهو ده وقت التسامح والمغفرة وأن الواحد يقف وقفة مع النفس ويعرف إن الحياة مش مستاهلة وكل الخلافات والصراعات اللي بندخل فيها ما هي إلا هيافات ومبنقدرش نعرف قيمة حد إلا لما نفقده، وأنا وريم طالعين علشان ندعو للتسامح والمغفرة والسلام، وبنقول أي اتنين زعلانين من بعض يرجعوا يكلموا بعض وأي اتنين متجوزين علي خلاف يرجعوا يصفوا خلافهم".

بداية الأزمة بين ريهام سعيد وريم البارودي
وتابعت خلال برنامج "صبايا الشمس": "أنا وريم البارودي اختلفنا على الشاشة ومن بعدها متكلمناش ولا اتعاتبنا ومن كتر ما كان فيه اشتياق متكلمناش احنا زعلنا من بعض ليه ولا إيه اللى حصل".
وعلقت الفنانة ريم البارودي: "أنا وريهام سعيد فينا كتير من بعض، حتى جورج بتاع الكوافير واحنا بنستعد للحلقة بيقولي انتوا شبه بعض، وأحيانا الجمهور كان بيغلط فيا ويقولي انتي ريهام سعيد، أنا في الأصل اسمي ريهام"، لتعقب ريهام سعيد: "المفاجأة أن اسمها ريهام وفينا من بعض كتير والاسم واحد".
وقالت ريم البارودي: "أنا شخص عصبي وبقيت كمان عصبية أكتر للأسف بس لما ببقى غلطانة ببقى عارفة إني غلطانة"، لترد ريهام سعيد: "قلت لها أنا سايباها من 3 سنين مجنونة دلوقتي بقت مجنونة رسمي".
ريم البارودي، فيتو
ريم البارودي تكشف سبب خلافها مع ريهام سعيد
ولفتت ريم البارودي:"الخلاف بيني وبين ريهام سعيد ابتدى ان فيه شخص ما بينا ادعى اني قلت له في التليفون ليه بتنشر حاجات كويسة عن ريهام؟ وده شخص كداب وهو موجود يواجهني احنا داخلين علي رمضان واتمنى يتفرج علي الحلقة ويعتذر وانا هقبل اعتذاره"، لتعلق ريهام سعيد: "احنا الاتنين بنتكلم في هيافات بس علشان نوصل ان مفيش خلاف ما بينا، ولا هي خطفت جوزي ولا قلت عليها كلمة مش لطيفة".
وأشارت ريم البارودي:"بداية الخلاف مع ريهام سعيد ان حد من الفانز بتاعها علق لها علي بوست نشرته وبيسألها علي حاجة فكانت زعلانة فقالت ريم البارودي بالنسبة لي ماتت، راح بابا الله يرحمه مكلمني وقال لي ليه ريهام بتقول عليكي كده وانا وقتها كنت في مرحلة مش متوترة لأ مجنونة بجري في الكوريدور بتاع قناة النهار وأول مرة أظهر مذيعة، وقتها بعت للشخص اللى عمل الفتنة بيني وبين ريهام فراح مخرجني من الموضوع وقاللى أصلها غيرانة منك علشان مضيتي المسلسل الجديد مع الفنانة زينة مع اني بشتغل معاها علطول".
وعلقت ريهام سعيد: "اللى حصل إن الشخص اللى وقع بيننا ده كلمني قال لي إنتي بتعاتبيه إنه عاملني في الاستوري كل سنة وانتي طيبة، فرد عليكي انا اكلمها زي ما انا عايز ما انتي بتكلمي زينة وانا مش بكلمها فإنتي قولتليه انت بتقارن مين بمين"، لترد ريم البارودي:"الفويسات معايا وتعالي نطلعها للناس ونشوف التسلسل بتاعها ازاي لإن اللى اتقالك كذب وانتي سخنتي علي الفاضي"، لترد ريهام سعيد:"مينفعش نعرضها دي قضية".
وأشارت ريهام سعيد:"أنا عملت لايف بعد الأزمة وقلت ريم طيبة ومتقصدش وهي بس بتنرفز ومن النوع العصبية اللى بتطلع تطلع وتنزل علي مفيش"، لتعلق ريم البارودي:"اصلا سبب المصيبة دي وهو شتام وبيجيب في اعراض الناس وعملي مونتاج مجتزأ للفويس اللي بينا، وما شتمك الا اللى بلغك".

ريم البارودي تعلن انتهاء ازمتها مع سمية الخشاب
وأكدت ريم البارودي:"الميك اَب ارتيست أمين بيعمل لسمية الخشاب وبيعملي وقرب وجهات النظر وانا وسمية اتصالحنا واول الناس اللي قدمت واجب العزاء في وفاة والدي وهي حياتها خلاص انتهي مع احمد سعد وانا كمان حياتي انتهي معاه فخلاص التلج بيدوب وبقيت ابارك لها عن اعمالها ولما والدتها توفت كلمتها".
ولفتت:"كنت هصالح ريهام سعيد عادي واوضح لها القصة ولكني انصدمت وتفاجئت انها رفعت قضية ضدي ولكنها في النهاية اتحفظت والمحضر كان ازعاج والفيش والتشبيه بتاعي زي الفل".
محمد رمضان يواسي ريم البارودي ويقبل يدها في عزاء والدها (صور)
ريم البارودي تتلقى عزاء والدها بمساكن شيراتون وبوسي شلبي أول الحضور (فيديو)
وتابعت:"ريهام سعيد انتي مشكلتك انك ودنية ودي برضو صعبة والوسوسة وحشة"، لتعقب ريهام:"أنا كانت ظروفي صعبة وخارجة من السجن وموقوفة ومكنتش مستحمله، انا في ناس كتير في حياتي خذلوني فبفقد الثقة في أي حد".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.