عمرو أديب: قرض صندوق النقد مش هيحل كل المشاكل ومحتاجين حلول أكثر ثورية

قرض صندوق النقد، قال الإعلامي عمرو أديب:"هناك 3 أسئلة تطرح نفسها بقوة على الدولة، هو الدولار هيبقى بكام؟ واتحدث عن الدولار داخل البنك هيفضل ب24.75 جنيه ولا هيزيد؟ وهتعمل ايه في الفائدة؟ والسؤال الأهم لو الدولار بقى 28 جنيه او اللى انت عايزه، هو فيه دولار؟ هل هناك دولارا؟، هل هتقدر توفر دولار؟"

قيمة البضائع المخزنة بالموانئ
وأضاف خلال برنامج "الحكاية" المذاع علي قناة "ام بي سي مصر":"احنا عندنا من 5 إلى 6 مليار دولار بضاعة موجودة في الموانئ ومحتاجين نوفر المبلغ ده علشان ندخل البضاعة دي والسوق يهدأ فتبدأ الأسعار في النزول".

سعر الدولار اليوم
وتابع:"هل احنا عندنا رقم ال6 مليار دولار علشان نطلع البضاعة اللي في الموانئ وندخلها السوق علشان الأسعار تهدأ؟".

عمرو اديب: أنا بقول إن قرار صندوق النقد مش هو اللي هيحل كل المشاكل احنا محتاجين حلول تانية أكثر ثورية
تقدر تشوف الحلقه كامله على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/o0wlnxtefT
— الحكاية (@Elhekayashow) December 16، 2022
قرض صندوق النقد
وأوضح:"مش اجتماع صندوق النقد الدولي ولا اجتماع البنك المركزي هو الحل لكل المشاكل، دول ميعملوش حاجة كتير، ممكن يبقى مفيد إنما احنا محتاجين رقم مالي كبير، وهنا السؤال هنقدر نجيبه؟ الفلوس هتيجي ازاي؟ الإجابة مش صندوق النقد وملهاش إلا طريق واحد علشان نقدر نمشي الدنيا".

حل تراجع اسعار السلع
وأكمل:"لو دخلنا البضاعة اللي في الموانئ، العلف ينزل والأدوات تنزل والسيارات تنزل والجبنة تنزل، والزيت ينزل، والأسعار بتغلي علشان فيه شح في الدولار، احنا محتاجين حلول أكثر ثورية لتوفير الدولار".

سعر الدولار في بنك مصر اليوم الجمعة 16-12-2022
قرض صندوق النقد، فخري الفقي يكشف قيمة الشريحة الأولى حال موافقة الصندوق غدًا


ننشر سعر الدولار في بنك مصر أمام الجنيه المصري، أمس الجمعة 16-12-2022 يعد اليوم إجازة رسمية للبنوك.
سعر الدولار في بنك مصر
ويسعى الكثير من المواطنين لمعرفة سعر العملة الأمريكية، حيث سجل سعر الدولار في بنك مصر نحو 24.61 جنيه للشراء، و24.66 جنيه للبيع.
قرض صندوق النقد الدولي
ومن جانبه قال الإعلامي عمرو أديب: ال10 أيام اللي جايين مهمين جدًّا وممكن يحصل فيهم حاجات كتير بالنسبة للوضع الاقتصادي المصري.
وأضاف خلال برنامج "الحكاية" المذاع على قناة "إم بي سي مصر": يوم 16 ديسمبر الجاري اجتماعنا مع صندوق النقد الدولي واللي من خلاله هيتم إقرار القرض اللي مقدمة عليه مصر بقيمة 3 مليارات دولار، ومتوقعين ناخد الشريحة الأولى اللي هي 750 مليون دولار.
مصير قرض صندوق النقد
وتابع: متوقع سيناريوهين في ال10 أيام اللى جاية حاجة منهم اللي هتحصل أي واحدة أنا ما أعرفش، الأول ما تقوله رويترز وهو أنه قبل صرف الشريحة الأولى من قرض صندوق النقد الدولي لمصر لازم قبل يوم 16 ديسمبر الجاري يجب أن تكون هناك إجراءات معينة معمولة في مصر وهذه الأمور يعرفها القائمون على السياسة النقدية في مصر وعندهم احتياطي قد إيه والتزامات قد إيه، والكلام الكام يوم اللي فاتوا بيع سندات بالين الياباني.
سيناريو رفع سعر الفائدة وتحريك الدولار
واستطرد: بيتكلموا عن حاجتين السيناريو الأول رفع سعر الفائدة وأن الجنيه ليس مرنا بالقدر الكافي يعني سعره لسه منخفض وال24.60 ليس السعر الحقيقي للجنيه أمام الدولار، لذلك السيناريو تحريك سعر الصرف، ورويترز بتتكلم أن سعر الدولار في السوق الموازية 31 أو 32 جنيهًا، وطبقًا لما سيحدث هنزود الفائدة وسعر الدولار رسمي وانخفاض الجنيه رسميًّا، والسيناريو الثاني جائز أنت تكون جاهز بطريقة أخرى عندك تدفقات وفلوس جاية وحاجة بتتباع فما تبقاش محتاج أوي ترفع الفائدة أو تحرك سعر الدولار رسمي، رغم أن رفع الفائدة مهم لأن التضخم واصل ل20% فهنرفع الفائدة علشان التضخم ينزل.