أغنية خارجة في الحضانة ودروس أبلة أم كلثوم، مصطفى قمر يروى حكايات الشقاوة

قال الفنان مصطفى قمر:"علاقتي بالمزيكا بدأت وانا في رابعة ابتدائي عن طريق أبلة اسمها أم كلثوم، وقتها جابت ماندولين وقالت مين يعرف يعزف علي الاَلة دي وانا وقتها رفعت ايدي خجلا".

دعم والد مصطفى قمر وجيتار الروبابكيا
وتابع خلال لقائه ببرنامج "انغام" الذي تقدمه الفنانة انغام بقناة "دي ام سي":"بابا دعمني في الموسيقي واشتري لي الجيتار من واحد بتاع روبابكيا".

https://www.facebook.com/dmctv/videos/5436866956435852
قصة الأبلة أم كلثوم
ولفت:"كانت أذهب للأبلة أم كلثوم في بيتها وتعلمني وتدربني علي الاَلات الموسيقية، ودرست كلاسيك جيتار في الاسكندرية في فترة الصيف من عمر 12 سنة".

الفنان مصطفى قمر
أول غناء لمصطفى قمر
وأشار:"في ثانوية عامة طلعت رحلة مع ولاد عمي في العريش ورفح وكانوا بيغنوا في الأتوببيس وانا معايا الجيتار وبدأت اغني حاجات من اللى حافظها لعبد الحليم حافظ وفجأة لقيتهم بيسكتوا ويغنوا ورايا، وفضلت اغني 3 أيام لحد لما صوتي راح".

غناء اغنية الفاظها خارجة
وأشار:"وانا صغير بابا قاللي اغنية فيها كلمتين خارجين شوية فأنا روحت الحضانة والأبلة قالت مين فيكم يا أولاد حافظ النشيد فقلت لها انا يا أبلة وقلت الاغنية اللى فيها كلام خارج فشدتني وقالت لي مين حفظك النشيد ده فقلت لها بابا، وجابوا بابا وخدوني للناظرة وقتها بابا كان بيضحك، بس موقف كان صعب".

مصطفى قمر في ضيافة أنغام بهذا الموعد
بيان من شركة ميديا لايف للرد على الفنان مصطفى قمر
شقيق مصطفى قمر المطرب
وتابع:"انا ليا 4 اخوات ومفيش غير ياسر اخويا اللى علمته الجيتار بالعافية وحب الجيتار وعمل البوم غنائي اسمه البنت حبت ولد، بس مكملش وسافر امريكا واخد دكتوراة في العلاج الطبيعي، بس انا لما اطلع في حفلة بالاسكندرية بطلعه يغني معايا".