سوسن بدر: سعيد صالح كان بيهرج ويضحكنا في اللوكيشن وعادل إمام كان بيضايق

قالت الفنانة سوسن بدر: "شاركت مع الفنان عادل إمام في العديد من الأفلام المهمة في تاريخه السينمائي، وأهمها شمس الزناتي، وسلام يا صاحبي".

موهبة سوسن بدر في عيون عادل امام
وأضافت خلال الجزء الثاني من لقائها ببرنامج "معكم" الذي تقدمه الإعلامية منى الشاذلي بقناة "سي بي سي": "منذ مشاركتي مع عادل امام في مسلسل "احلام الفتى الطائر" وهو حاسس اني هبقى ممثلة كويسة ".

دعم عادل امام للممثلين
وتابعت:"عادل امام كان بيهتم باللى قدامه ويطبطب عليه ويطمنه انه كويس ويشيل منه الخوف، ولو لقى ممثل عنده شكل افيه حلو يظبطهوله".
عادل امام وسعيد صالح وسوسن بدر من فيلم سلام يا صاحبي

سوسن بدر تكشف موقفا غريبا مع عادل إمام في "أحلام الفتى الطائر" (فيديو)
سوسن بدر تروي قصة مشاركتها في عروض الأزياء، ودور رجاء الجداوي (فيديو)
ضحك سعيد صالح في كواليس التصوير
ولفتت إلى أن "الفنان الراحل سعيد صالح كان مرح جدا في اللوكيشن وطول الوقت بيحب يهزر ويهرج، وملهوش دعوة باللى خايف ومرعوب، وكنت بضحك من ضمن اللوكيشن فالأستاذ عادل إمام عنده الشغل شغل فيروح باصص ليا فأقوله ما هو اللى ضحكني فيقولي وكمان بتقولي، يعني بتضحكي وكمان فتانة".