حق ولاء لازم يرجع.. تفاصيل جديدة في واقعة مصرع صيدلي حلوان يكشفها أصدقاءه

لا يزال مصرع ولاء زايد، صيدلي حلوان الذي سقط من شرفة منزله وتوفي في الحال، مثار جدلًا واسعًا بين نشطاء مواقع التواصل الاجتماعي، حيث تصدر هاشتاج "حق ولاء لازم يرجع" تريند مصر على مواقع التواصل الاجتماعي، وتصدر اسمه محرك البحث الأكثر شهرة "جوجل".
حق ولاء لازم يرجع
طالب النشطاء بالكشف عن الجاني الحقيقي وراء مصرع صيدلي حلوان ولاء زايد بعد إلقاءه من شرفة منزله في حلوان، وأظهر هاشتاج "حق ولاء لازم يرجع" حالة الحزن التي انتابت أصدقاء ولاء، وبعض النشطاء، وسردو تفاصيل جديدة في حادث مصرع ولاء زايد.
آخر صورة للراحل ولاء زايد مع زوجته
حكت مي محمد "#حق_ولاء_لازم_يجي.. الشاب ولاء زايد اتقتل غدر شاب من ارقي وانظف الناس اللي ممكن تتعامل معاهم.. إنسان وصاحب وأخ بمعني الكلمه مفيش موقف انساني وحاجه فيها خير الا لما يكلمني عشان يساعد مهما حكيت عنه مش هوفيه حقه ومش هنقدر نقول غير الله يرحمه ويغفر له ويسكنه فسيح جناته..."
وتابعت مي محمد قائلة: "ولاء المفروض كان يوصل جده فجر يوم الثلاثاء الموافق 29/09/2022 يوم الحادث، المرحوم بإذن الله تعالي الدكتور ولاء سعيد زايد تم قتله عنية مع سبق الإصرار والترصد بإلقائه من بلكونة شقته في حلوان من الدور الخامس من أهل زوجته اللي في القاهره نتيجه خلاف أسري هل ده منطق تحدفو شاب من الدور الخامس وتنهو حياته كده.. ولاء إبن محافطه المنوفيه ابن الشهداء وحيد والدته يتيم الأب تم قتله من بلطجيه دكتور صيدلي لديه طفل (يونس) كان بيعشقه ولاء في مقتبل العمر محترم ومتعلم ومنتهي الأدب والذوق وإبن رجل فاضل وأستاذه فاضله تم قتله وإزهاق روحه من شوية بلطجيه لازم حقه يجي ويتم إعدام البلطجيه إللي قتلوه.. حق ولاء يجي.. إعتبره إبنك إعتبره أخوك إعتبريه إبنك إعتبريه أخوكي #حق_ولاء_لازم_يجي #لابد_من_إعدام_قتلة_ولاء_زايد #حق_دكتور_ولاء_فين"
معندهاش رحمة
وعلقت بوسي سعيد " حسبى الله ونعم الوكيل حقه لازم يرجع ناس معندهاش رحمه الطمع ساكن قلوبهم يقتلوا قدام ابنه المفترين لازم القصاص ليهم كلهم #القصاص_من_قتله_دكتور_ولاء #القصاص_من_قتلة_ولاء #حق_ولاء_لازم_يجي #حق_ولاء_فين"
وعن تفاصيل مقتل ولاء زايد قال أحمد فتحي: "الحقيقه الكامله في قضيه مقتل الدكتور ولاء سعيد زايد.. للأسف في استغلال للقضيه وبعض نماذج السيدات اللي بتبرر القتل.. ولاء اتعرف علي زوجته اثناء عمله بالمملكه العربيه السعوديه، في الفتره دي كانت مقيمه مع والدها، اعجب بيها وبعد فتره ارتبط بيها اشهد الله انه كان ونعم الانسان المحترم بعد فتره ربنا كرمه بيونس، حياته اتغيرت بعد يونس وأصبح يونس هو الحلقه الوحيده لاستكمال هذه العلاقه، حدثت خلافات كثيره بينهم لدرجه انها تركت بيتها سنه كامله وجلست مع والدها ولاء قابلته مشاكل كتير مكنش عارف حتي يشوف ابنه وكان لما بيروح يشوفه كان يتهموه انه هيخطف ابنه وحصلت مشاده بينه وبين والدها.."
وأكمل أحمد فتحي حديثه قائلًا: "في نهايه المطاف رجعت الزوجه الى بيتها وطلبت انها تنزل مصر ويفتح لها صيدليه جنب مسكن الزوجيه بالفعل ساعدها وعمل لها صيدليه في حلوان ومع ذلك لم تحاول اسعاده والتخفيف عنه، حمل الغربه ولكن استمرت في عنادها لانها كانت بتكره اهله جدا خصوصًا الفتره الأخيره والده توفي وأصبح هو المسئول عن اخواته البنات ووالدته"
طلق زوجته الثانية
وقال فتحي "في سنه من السنوات ولاء طلق زوجته وبعد محاولات رجع ولاء مره أخري لها عشان خاطر ابنه يونس، وبعد مرور الوقت زادت الخلافات لدرجه انه لما ينزل مصر مكنتش بتروح له، وقرر ولاء انه يشوف مستقبله وميضيعيش اللي باقي من عمره نزل اجازه مصر يوم 19/09/2022 كتب كتابه بعد ب 3 أيام علي واحده من قريته وبعلم زوجته الاولي التي لم يكن لديها مانع من ذلك..."
ولاء مع ابنه يونس
وأضاف فتحي "قبل سفر ولاء بثلاث ايام تواصل ولاء مع زوجته الأول وحاول ايضا ان يصل لحلول معها ترضيها واخبرها بأن تحاول ان تعيش مع الوضع شهر أو شهرين وقال لها "إن لم تجدي راحتك انا هطلقك وهعطيكي كل حقوقك وهصرف علي ابني لان ولاء بيخاف ربنا جدااا.. ذهب ولاء الي زوجته الاولي بعد التواصل تلفونيا ذهبو ال مدرسه يونس وقام بدفع مصاريف ابنه وذهبو ال بيتهم في برج رال بحلوان.."
ولاء مع والده ووالدته
وعن يوم الحادث قال أصدقاء ولاء "يوم الحادث يوم الاثنين الماضي ولاء كان في شقته هو وزوجته وابنه يونس والدته تواصلت معاه تعال يابني اشوفك قبل ما تسافر قالها ياماما معلش طيارتي اليوم في الليل وانا عشان ارجع البلد فيها 4 ساعات قلبها كان حاسس بالغدر.. بعدها فوجئ ولاء باشخاص بيفتحو باب الشقه ودخلو عليه للاسف زوجته كان مرتبه من بدري وهو انخدع فيها وصدقها في الوقت ده طلبو منه انه يطلق زوجته الثانيه ويوقع تنازل عن شقه وكل ما يملك"
وتابع أصدقاءه سرد الحكاية "بالفعل قامو بالاتصال ب زوجته الثانيه ال لسه كاتب كتابه كتابه عليها وبالفعل طلقها قدامهم في الوقت ده ولاء بيرسل لاخته رسائل استغاثه وايضا ارسل علي جروب واتس ساب العماره ال ساكن فيها طلع البواب وجد باب مفتوح حاول يدخل والدها قفل باب في وشه وقاله مشاكل عائليه الزوجه شغلت كاسيت بصوت عالي عشان صوته ميطلعش في الفتره دي كان ولاء بيتهان منهم قدام ابنه يونس في الوقت ده تم إلقاء ولاء من الدور الخامس توفي ولاء الجدع بنسبه كبيره ولاء نازل متوفي المفاجأه ان ابنه يونس اعترف قدام نيابه ان جده وخاله ألقوا بوالده من البلكونة"
ولاء مع شقيقته سارة
سكرين الزوجة وأمها
وأضاف أصدقاء ولاء "المفأجاه الكبرى ان في سكرين بين الزوجه وامها وهي بتقولها صوره واضربَوه وراحت لهم لان بيتهم قريب من بيت بنتها كل ال عايزينه حق ربنا العدل والقصاص #القصاص_من_قتله_دكتور_ولاء #القصاص_من_قتلة_ولاء #حق_ولاء_لازم_يجي #حق_ولاء_فين"
وقال أحمد فتحي "عندي مفاجأت أخري لكن مش هخوض في اعراض حد احنا عايزين حق ولاء فقط"
طلقها بالتليفون.. من هي الزوجة الثانية ل"صيدلي حلوان"؟
هل تحسم تحريات الشرطة قضية مصرع ولاء زايد صيدلي حلوان؟.. قانوني يجيب
وعلقت مرمر قائلة: "دلوقتى لو اي راجل مش مرتاح في حياته الزوجية مع مراته وفكر يتجوز عليها وميطلقهاش علشان خاطر اولاده تقتله وترميه من البلكونة، الستات اصبحوا في منتهي الشراسة والخطورة في الزمن ده ولا حول ولا قوة الا بالله #حق_ولاء_لازم_يجي #حق_ولاء_لازم_يرجع"