هل رحمة أحمد في البيت زي مربوحة ب"الكبير أوي"؟.. زوجها يجيب | فيديو

قال أحمد منصور، زوج الفنانة رحمة أحمد: "مراتي بتغسل وتمسح وتطبخ وتنزل الورشة في مسلسل الكبير أوي 6 وبس".

أسوأ أكلة لرحمة أحمد
وتابع خلال مداخلة هاتفية ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "لما اتجوزنا إمكانياتها في الطبخ إلى حد ما مش 100% وأوحش حاجة بتطبخها المكرونة بالبشاميل".
هل رحمة أحمد في البيت زي مربوحة؟.. جوزها كشف أسوأ أكلة بتعملها على الهواء#مربوحه_على_ON #مربوحه#مربوحه_مع_لميس#كلمة_أخيرة#لميس_الحديدي pic.twitter.com/lOEGnsGGyd
— كلمة أخيرة مع لميس الحديدي (@KelmaAkhira) May 9، 2022
شهادة زوج رحمة أحمد
وأضاف: "كون أن رحمة أحمد تشتغل في التمثيل اللى بياخد 80% من وقتها وتخلى بالها من بيتها وتربية ابننا مصطفى فهذا أمر كويس جدا".

والدة زوج رحمد أحمد
ولفتت رحمة أحمد: "مصطفى ابني مع حماتي طول الوقت وهي ست عظيمة وساعدتني كتير جدا وكانت طول الوقت مبسوطة من دور مربوحة ودمها خفيف".
رحمة أحمد "مربوحة" عن دخولها المستشفى: ودوني الورشة | فيديو
رحمة أحمد: مجموعي في الثانوية 97%.. وبكيت أثناء تصوير الكبير أوي لهذا السبب
وكشفت الفنانة رحمة أحمد بطلة شخصية "مربوحة" بمسلسل الكبير أوي 6، في وقت سابق، "اتحسدت بعد مهرجان المزاريطة وخدت عين وكان نفسي تيجي في العترة بس تحويشة المسلسل جت فيَّ".

عملية المرارة
وتابعت خلال مداخلة هاتفية ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "عندي حصوات على المرارة وكان المفروض أدخل أعمل عملية المرارة، بس لسه محتاجة أظبط شوية تحاليل وفيه شوية مشاكل في الكلى وخلال الأيام المقبلة هعملها".

أصعب دور لرحمة أحمد
ومازحت رحمة أحمد، لميس الحديدي، قائلة: "اتحسدت بعد إطلالتي بمهرجان المزاريطة السينمائي الدولي"، مشيرة: "أصعب حاجة في المسلسل كانت العترة طبعًا".
وقالت الفنانة رحمة أحمد في نفس المداخلة: "لما شُفت الفنان أحمد مكي وهو بيتكلم خُفت.. وكنت عايزة أتف على نفسي بسبب لهجتي مقارنة بيه".

إفيه مسلسل الكبير أوي 6
وتابعت: "نسبة ال40% ليكرا مش عارفة مين حطها.. كانت مكتوبة على الورق".

ضغط تصوير الكبير أوي 6
وأضافت: "طول الوقت كنت حاسة إني مضغوطة في الشغل وطول الوقت كنت عايزة أروح، وأول ما أتعرض عليا الدور كنت قلقانة وزوجي اللي شجعني".