شيرين رضا: أنا مش محتاجة راجل| فيديو

قالت الفنانة شيرين رضا:"انا مش محتاجة راجل، ولا عايزة حد يصرف عليا ولا ياخد باله مني ولا اعتمد عليه ولا يخلص ليا حاجاتي".
رغبة شيرين رضا
وتابعت خلال الجزء الثاني من لقائها ببرنامج "حبر سري" الذي تقدمه اسما ابراهيم بقناة "القاهرة والناس":"انا محتاجة صديق أو رفيق المشوار انما كل راجل عايز يتجوزني علشان يتحكم فيا فأنا بقول لأ اَسفة".
شيرين رضا المسترجلة
وأضافت:"معنديش مشكلة يقولوا عليا انى مسترجلة ومش عايشة دور الأنثى، هي الإسترجال بقت شتيمة؟".
غيرة المرأة
ولفتت:"أنا مش مع غيرة الست، الغيرة دي بشوفها بتضر مبتنفعش وبتعمل مشاكل بين الزوجة وزوجها، والست الغيورة اللى معندهاش ثقة في نفسها،
سبب غيرة الزوجة
وأكملت:"اللى مش عايزة جوزها يبص برا تديله الحاجات اللى نقصاه، وهيبص بره لو الزوجة فارغة ومش مدياله حاجة".

وتحدثت الفنانة شيرين رضا عن أسباب رفضها للزواج وتجاربها السابقة، مؤكدة: "كافة زيجات الوسط الفني فاشلة ودائما تنتهي بالطلاق ما عدا القليل منها، أمثال الفنانة منى زكي وأحمد حلمي".
وقالت خلال الجزء الأول من حوارها مع برنامج "حبر سري"، تقديم الإعلامية أسما إبراهيم المذاع على فضائية "القاهرة والناس": "لو بفكر فى الزواج فيجب أن يكون الرجل الذى سأتزوجه شخصية بيضحكني ويكون مثقف"، نافية صحة ما تردد عن زواجها بشاب يصغرها ب 28 عاما.
شائعة الزواج
وسخرت من شائعة زواجها بشاب يصغرها ب 28 عاما، قائلة: "ده يبقي أبني، وأنا أنجبت أبنتي وكان عندي 21 عاما"، لافتة: "أحمد الفيشاوي فى إحدى جلساتنا كان بيهزر وطلبني للزواج ولكني رفضت".
وأكدت الفنانة شيرين رضا أن الفنان أحمد الفيشاوي طلبها للزواج كنوع من الهزار، موضحة: "أنا لن أتزوج سواء كان أحمد الفيشاوي أو غيره، معنديش وقت للزواج، وأنا فشلت في الزواج مرتين، وتعلمت من صغري أنني إذا فشلت في حاجة معملهاش تاني".
وأضافت: "وأنا ما بدورش على أحد يتزوجني واللي عايز يتجوزني يحارب وأنا مش هقدم نفسي على طبق من فضة للرجال".
شيرين رضا: اللي عايز يتجوزني لازم يحارب.. وزواج الوسط الفني فاشل| فيديو
شيرين رضا تكشف حقيقة زواجها من شاب يصغرها ب 28 عاما| فيديو
زواج الوسط الفني
وأوضحت: زواج الوسط الفني فاشل، ونهايته الطلاق قد يكون بسبب الغيرة المتبادلة من نجاح الآخر، فالفنان بحكم عمله قد يكون متضايق من عمل زوجته، ولكن هناك زواج ناجح مثل منى زكي وأحمد حلمي.