محمد صلاح: مراتي طبخها حلو.. وتأقلمنا على تقاليد الإنجليز

قال محمد صلاح نجم نادي ليفربول الإنجليزي ومنتخب مصر: "مراتي بتطبخ حلو، وأنا بتطبخ برضو وبعمل الفطار على طول، وبيض بأفوكادو وممكن اعمل شوفان، ولما كنت عايش في سويسرا كنت بتطبخ كويس، ولما بنزل مصر بفطر مع المنتخب فول وطعمية، ولكن في إنجلترا مش باكل فول ولا طعمية".

مكة وكيان محمد صلاح
وعن اختيار اسم ابنته مكة، قال محمد صلاح خلال لقائه مع الفنانة إسعاد يونس بقناة "دي إم سي": "ماجي مراتي هي اللي اختارته من زمان وكمان هي اللي اختارت اسم بنتي كيان اللي عمرها دلوقتِ سنتين، وشخصيتها قوية جدًّا ولكن مكة عايزة تبقى هي اللي مسيطرة ومكة بتغير من كيان، ولكن العلاقة ما بينهم كويسة".

طاقة مكة
ولفت: "مكة عندها طاقة كبيرة جدًّا ومبتحبش تنام، وأحلى حاجة عجباني في شخصيتها أنها قوية وعنيدة ولما تحب تاخد حاجة ما بتسكتش لحد لما تاخدها ودا يظهر لي أنها لو عايزة حاجة هتاخدها وهيبقي عندها هدف وطموح، وهي واخدة من مامتها أكتر".

جنون زوجة محمد صلاح
وتابع: "ماجي مراتي هادية بس لما تتجنن بتجنن مش من الشائعات ولكن بسبب البنات، ومش بحب أخسر مكة لما يجمعهم أي مشكل، وأقول لهم أنا مالي إيه اللي يدخلني في المشاكل اللي بينكم، وهدوئي بيجننها أكتر، وكيان بنتي طول عمري وأنا صغير كان نفسي يبقى عندي ولد ولما خلفت البنتين ولا فارق معايا اخلف الولد، والبنتين عندي بالدنيا كلها".

التعامل مع الإنجليز
وعن تعامله مع الإنجليز، قال: "طول عمري بحاول اتأقلم معاهم وبنسبة كبيرة فاهم حياتهم وتأقلمت على تقاليدهم، وهو شعب مؤدب جدًّا ومن أكتر الشعوب المؤدبة اللي شوفتها".

حب الناس لمحمد صلاح
وفي نفس اللقاء، عرضت إسعاد يونس، فيديو يبرز ويرصد مدى فخر وحب وإعجاب الناس بالنجم العالمي محمد صلاح.

سعادة محمد صلاح
وعلق محمد صلاح نجم نادي ليفربول الإنجليزي ومنتخب مصر: "لا يوجد الكثير من الكلام الذي يمكني أن أقوله لوصف إحساسي بالفرحة لوجود أمل لدى الناس، بعدما شاهدوا فرد منهم يستطيع تقديم نظرة إيجابية للأطفال من أجل الوصول لهدف يسعون إليه، وهدف من أهدافي في الحياة هو أن أقنع الناس بقدرتهم على تحقيق ما يرغبون فيه وهذا كان هدفي منذ الرحيل عن المقاولون العرب إلى سيون في سويسرا".

حياة محمد صلاح الصعبة
وتابع متأثرًا بحديث الناس عنه، قائلًا: "الحياة كانت بالنسبة لي صعبة لأنني لا أتحدث الإنجليزية وتعاملي مع الناس كان قليل ولكن جلست مع نفسي وقلت هل أنا أرغب في العودة لمصر بعد شهر أو شهرين مثل أي شخص احترف سافر ولم يحقق شيء أم يجب أن استمر وأنجح، وبدأت اتفرج على المحترفين المصريين وما حققوه ومقابلاتهم التلفزيونية واتفرجت على حاجات تنمية بشرية فكان هدفي أغير حاجة عند الناس أنهم يؤمنون بأننا قادرين ننافس على جائزة أفضل لاعب في العالم".

خطة محمد صلاح
وأكمل محمد صلاح: "أصريت على عمل شيء مختلف عن أي حد ونظرت لكل مواطن مصري خرج من مصر ولم يحقق النجاح وشاهدت الفيديوهات الخاصة بهم والحوارات وكل ما يفعلوه وبدأت التركيز على أشياء مثل التنمية البشرية لا نعرف أن كانت الموهبة فقط تكفي أم يجب أن أعمل على عقلي أيضًا من أجل تغيير قناعة راسخة في عقول الناس".
محمد صلاح عن زوجته: وشها كان حلو عليا.. وقصة حبنا بدأت في المدرسة
محمد صلاح: أحلى إحساس في الدنيا لما أكسب ماتش مع منتخب مصر
قناعة محمد صلاح
وأكد: "الناس أصبحت مؤمنة ولديها قناعة أننا قادرين على المنافسة على جائزة أفضل لاعب في العالم، وهذا الهدف الرئيسي بالنسبة لي في الحياة واليوم لو مت سأكون قد حققت شيء كبير من الأشياء التي كنت أرغب في تحقيقها".