واصل الإعلامي إبراهيم عيسي، حديثه المثير للجدل خلال برنامج "حديث القاهرة" المذاع علي قناة "القاهرة والناس"، حيث تحدث عن العديد من الآراء التي لاقت نقدًا لاذعًا على وسائل التواصل الاجتماعي المختلفة فيما اتفق آخرون معه في بعض مواقفه. نساء الصعيد واصل الإعلامي إبراهيم عيسي حديثه عن نساء الصعيد وقال:" مين اللي حول المايوه إلى عار من المفترض التبرؤ منه؟ هو انتوا زعلانين لما بنقول إن أمهاتنا وجداتنا في الخمسينيات والأربعينيات والسبعينيات كانوا بيذهبن إلى المصايف ولابسين مايوه وبينزلوا البحر، ستاتنا وجداتنا وأمهاتنا من صعيد مصر الطبقة المتوسطة اللى كانت بتروح الإسكندرية كانوا بيلبسوا مايوه، واكيد مش الفقراء اللى ملهومش في السفر ولا المتحفظين".
وتابع خلال برنامج "حديث القاهرة" المذاع علي قناة "القاهرة والناس":"أمهاتنا وستاتنا وجداتنا في صعيد مصر في الأربعينيات والخمسينيات كانوا بيلبسوا مايوه وينزلوا البحر، أمال مين اللى كان بيملى مصايف مصر في رأس البر وبطليم وجمصة والإسكندرية ومرسى مطروح؟ مش بتوع بحري بس لأ الصعيد وبحري، ومين اللى قال ان في الزمن ده كان عيبا وعارا ارتداء المرأة المايوه؟".
الفكر المتشدد المغلق وأكمل:"مين اللى عايز يحول الأمر كله أن بهجة المصريين والترفيه والعوم والمصيف دي حاجة نتبرأ منها للنساء ونعمل بحر للذكور، اللى عايز كده المتشدد المحافظ المغلق المتدين زيفا وزورا فقط، حلوة اوي الشواطيء للذكور ومش حق المرأة أنها تعوم".
رؤية الفكر السلفى وحقيقة المجتمع
وأردف:"المرأة مينفعش تعيش جوا الخيمة، أبنائنا وأجدادنا كانوا بيرضوا أن زوجاتهم يرتدين المايوه وينزلوا البحر في المصايف..الست مش بتترمى قدام الحيوانات؟ اذا احنا معتبرين المجتمع مجموعة من الحيوانات لكن المجتمع بني آدمين في منتهى التحضر والرقي والجمال والنفوس الطيبة، وفي الأفراح الناس بترقص من بهجة الفرح ومحدش بيتهم حد بالخلاعة والمياعة ومن الأم الكبيرة والبنت الصغيرة والمحجبة حتى المنقبة بيرقصوا بهجة بالفرح، لكن السلفي عايز يحط السياق الواحد التجريم والتحريم ويسود علينا عيشتنا ويجعلنا كذكر كملك الغابة بيدافع عن الستات في الغابة".
المسلم مش محتاج رجل دين وقال الإعلامي ابراهيم عيسي في نفس الحلقة:"المسلم الحالي في سنة 2022 مش محتاج أي رجل دين أو شيخ في حياته، هيعلمك إيه الشيخ الصلاة والصوم والزكاة والحج هو انت مش عارفهم؟!".
تجسس وتلصص الشيوخ
وأضاف:"هيعلمنا ايه الشيخ في 2022 تكون محترم في علاقاتك مع الناس وانك لا تتجسس ولا تتلصص لأ ده بيعملك تتجسس وتتلصص وتدخل في الحياة الخاصة بتاعة الناس، الشيخ دلوقتي طالع على يوتيوب وقاعد شغال مفتش قلوب".
قصة عمر بن الخطاب وتابع ابراهيم عيسي:"هيوقلك إيه الشيخ هيحكيك قصص 99% منها كاذبة لأنه بيقولك نص الحقيقة، يعني بيقولك عمر بن الخطاب عدلت فأمنت فنمت يا عمر وفرحان أوي بعدالة سيدنا عمر طيب هو حكالك انه اتقتل بعدها، يبقى عدل فأمن فنام إزاي، حكالك الشيخ إن الراجل اللى قال الجملة دي لعمر هو المتهم الأول بقتل عمر بن الخطاب، اتقتل وهو بيصلى في الجامع إذن القصص كلها أنصاص قصص ومش حقيقية". الإسراء والمعراج
وأكمل:"هل الشيخ قالك إن ابن سيدنا عمر خرج بعد لما اتقتل سيدنا عمر وراح قتل المتهم بقتله وبنته وابنه بدون حساب وقصاص وبدون أي شيء وإنه كان المفترض يفرض عليه القصاص ويتقتل، وعثمان بن عفان عفا عنه ومنفذش فيه القصاص، إذن كل قصص المشايخ وهمية وغير حقيقية، ولما يقولك الإسراء والمعراج هتصدق أن مفيش معراج وانها قصة وهمية وفقا لكتب التاريخ والحديث". مصطفى درويش وفيلم الملحد اعتذر الفنان مصطفى درويش، عن استكمال العمل في فيلم "الملحد"، بسبب أن مؤلف الفيلم هو الإعلامي إبراهيم عيسى، مؤكدا أنه لا يقبل أن يكون أداة للحرب ضد الدين مهما كانت الإغراءات. وكتب الفنان مصطفى درويش، عبر صفحته الرسمية بموقع التواصل الاجتماعي "فيسبوك": "قررت أنا مصطفى درويش مقاطعة أي برنامج لإبراهيم عيسى.. والاعتذار عن فيلم (الملحد) اللي صورت فيه أربعة أيام بسبب أن مؤلف القصة هو إبراهيم عيسى". بعد تكذيب إبراهيم عيسى.. هل "المعراج" قصة وهمية؟ اعرف الرد القاطع من الإفتاء إبراهيم عيسي يستفز الصعيديات: زعلكم المايوه أومال مين بيروح المصايف وبيرقص بمياعة في الأفراح وأضاف "درويش": "واضح أن الحرب دي ممنهجة، وأنا مقبلش أبدا أكون أداة للحرب ضد ديني ولو الثمن هيكون إيه، آسف جدا وبعتذر لكل فريق العمل".
