سهير رمزي تكشف تفاصيل حريق منزلها

كشفت الفنانة سهير رمزي عن تفاصيل حادث حريق منزلها الذي وقع صباح اليوم، ولم يكن هناك أي خسائر بشرية.
وقالت سهير رمزي في تصريحات خاصة ل فيتو ان الحادث وقع بسبب ماس كهربائي بسبب دفاية الزيت، في الدور الارضي، ولم نعلم به إلا بعد كسر الباب من قبل الجيران.
واضافت: الخسائر في الأثاث فقط، لا توجد اي خسائر بشرية. الحمد لله، واطمئن جمهوري. أنا بخير والحمد لله انها جت علي أد كده.
وقالت خلال مداخلة هاتفية ببرنامج "يحدث في مصر" الذي يقدمه الإعلامي شريف عامر بقناة "إم بي سي مصر":"الناس بقت تنصب نفسها لتشخيص الأمراض وتقول فتاوي طيب كلموا الناس واعرفوا عندها إيه".
مشكلة سهير رمزي مع الكريمات
وتابعت سهير رمزي:"كل الحكاية إني قعدت في الشمس ووضعت كريمات غير صالحة على جسدي وأنا في الساحل الشمالي ونمت ولما قمت حسيت بالتهاب في إيدي وصدري جامد، وصرخت من الحرقان".
وقالت الفنانة سهير رمزي: "مبخافش من الناس وخوفي فقط من اللي خالقني، وقعدتي بيني وبين نفسي، وقبل قرار خلع الحجاب لقيت أن ربنا طالب مني اتغطى وأنا متغطية، بس الغطاء اللي كنت متغطياه كان بالنسبة لي صعب في شغلي وأكل عيشي وقعدت 20 سنة مبشتغلش".
خلع سهير رمزي الحجاب
وتابعت خلال لقائها ببرنامج "السيرة" الذي تقدمه الإعلامية وفاء الكيلاني بقناة "دي إم سي": "رجعت مثِّلت بالحجاب ولكن فيه حاجات لازم ميبقاش فيها حجاب، ولما أبقى في أوضة النوم مع بنتي ولَّا في السرير ولَّا بكلم ابني، مش معقولة هكون بالحجاب، وبعدين بقيت أطلَّع خصلة من شعري، وقعدت مع روحي وقلت يا أبيض يا أسود.. يا تلبسي الحجاب يا تخعليه".
وأكملت: "قبل قرار خلع الحجاب، قلت لنفسي إنتي حجابك في قلبك وتصرفاتك ونيتك واللي هيحاسبك ربنا مش الناس، وقناعاتي اتغيَّرت بالنسبة لمسألة ارتداء الحجاب، والمهم الاحتشام اللي أنا فيه.. مش شرط الحجاب".
وأشارت: "في عز مجدي وشهرتي وعز شبابي لبست الحجاب لأنه كان ممكن يتبص لي أوي، وأعمل حاجات كتير.. إنما دلوقتي انا ست متجوزة ومش صغيرة.. فالمسألة مابقتش حجاب أو طرحة ولكن القلب والعقل واللسان، وحب ربنا مش مرتبط بالحجاب ولكن بالالتزام، ومن الممكن أنى أرجع ألبس الحجاب تاني، وساعات بقول لنفسي: هو ربنا هيسيب كل حاجة حلوة فينا ويمسك لي على أني خلعت الحجاب؟! وأفكر أن ربنا رب قلوب وخلاق وحاجات كتير ومش هدخل الجنة وأنا لابسة الحجاب وأكذب وأغتاب وأقول كلام وحش ولكن المهم الحجاب الداخلي".