أنا عارف إن صوتي وحش.. حمو بيكا يرد على قرار وقفه عن الغناء

خرج مؤدي المهرجانات حمو بيكا، عن صمته، للتعليق على أزمته مع نقابة المهن الموسيقية، وذلك بعد قرار النقابة بوقفه عن الغناء.
أبرزهم حمو بيكا وشاكوش وكزبرة.. "الموسيقيين" تعلن أسماء الممنوعين من الغناء
هاني شنودة: ممكن ألحن ل"حسن شاكوش وحمو بيكا" | فيديو
في هذا السياق، قال بيكا، في بث مباشر عبر حسابه الرسمي على موقع التواصل الاجتماعي "فيس بوك": "سافرنا برا مصر وعملنا حفلات في دبي والسعودية بس عمري ما شفت كده في حياتي، شوية شباب حبوا المزيكا وعملوا شوية مزيكا ونجحوا".
وتابع حمو بيكا: "خدوا رأي الناس لو الناس مش عايزانا نغني نوقف غنا ونوقف شغل.. أي مسؤول في النقابة هنفضل نحترمكم وهنفضل نحترم هاني شاكر من غير أي حاجة.. حرام اللي بيحصل ده".

وأكد بيكا انه يعلم أن صوته ليس جيدًا، ولكنه ينال إعجاب الجمهور، مضيفًا: "ببقى نايم ع المخدة ومخي عطلان من كتر التفكير، وأنت قاعد في بيتك".

وواصل بيكا موجها حديثه لنقابة الموسيقيين: "علينا فلوس خدونا تحت باطكم، أنا مش مطرب ومؤدي مهرجانات، وعارف إن صوتي وحش بس عاجبني وعاجب الناس اللي بتسمعني".

وأضاف حمو بيكا: "أنا مش كروان فيه ناس أصواتها جميلة بس معندهاش حظ، المحظوظ ربنا بيكتب له النجاح، وقدمت ورقي للنقابة ومخلص جيش وكله سليم ورفضوني".

واختتم بيكا كلامه قائلًا: "في ناس كتير لا تصلح للغناء ومعاهم كارنيه النقابة، وفي المجال ومش عايز أقول أسامي عشان هما صحابي وأكلنا مع بعض عيش وملح، أنا بنزل أشتغل وبدفع تمن التصريح، تصريح الساحل كان ب 15 ألف جنيه، وكنت بدفع وأقول حاضر عشان عايز آكل عيش، أي مسؤول في مصر لازم يقف معانا ويدعمنا، الشباب اللي نزل عليهم قرار الإيقاف عددهم كبير وفي ناس بتاكل من وراهم عيش"

وكانت أعلنت نقابة المهن الموسيقية، منع عدد من مطربي المهرجانات الشعبية، من مزاولة الغناء في مصر؛ لعدم حصولهم على التصاريح اللازمة، وكان أبرزهم: حمو بيكا، حسن شاكوش، عنبة، عمرو حاحا، كزبرة وحنجرة، أحمد قاسم الشهير ب فيلو، مصطفى زكريا الشهير ب مسلم، مجدي شطة.