أبين زين

وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف
‎ست سنين ‫..‬ وحأقول لك إيه؟‫..‬ الرمل بيقول انقسام‫..‬ بين المؤيد والمعارض وأنت في وسط الزحام‫..‬ واقف ومش عارف لمين يبقى الكلام‫..‬ متقول لنا رايح تعمل إيه‫..‬ وسط الخلاف اللي وصل للانتقام‫..‬ المركبة وقفت خلاص‫..‬ وقرَّبت تصبح حطام‫..‬ يَامَا الودع قال لك كتير‫..‬ خلِّي ما بينَّا في انسجام‫..‬ بين المؤيد والمعارض للنظام‫..‬ بس ما سمِعْتِش كلامي‫..‬ شوف بقي الشعب اللي قام‫..‬ يعترض على كل حاجة‫..‬ ضد حمله ياهمام‫..‬ ناس بتهتف يمشي مرسي‫..‬ ناس تقول هو النظام‫..‬ لما مصر بقت في حيرة وانعدام‫..‬ والمهم الكرسي يفْضَل‫..‬ والجماعة تقول تمام‫..‬ التاريخ مش راح يسامح لو رضيت بالاحتدام‫..‬ مصر مش ناقصة المهالك‫..‬ عايزة تمشي للأمام‫..‬ آه ياخوفي لو حنرجع تاني لبحور الظلام‫..‬ مرَّة واحدة اسمع كلامي‫..‬ ليه دَا يحصل بعد عام‫..‬ وانت ع الكرسي المعظم‫..‬ والصراع على ما يرام‫..‬ مهما يحصل من مقاسي‫..‬ عمر شعب النيل مانام‫..‬ إصحوا حبَة وفوقوا حبَّة‫..‬ شعب مصر فاق وقام‫..‬ كله واقف صف واحد‫..‬ وإحنا لُهْ تعظيم سلام