«يحموك ف كنكة» مش شتيمة!

هل يأتي يوم من الأيام تطلب فيه مصر من إثيوبيا أن تفتح الحنفية لنشرب أو نستحم بعد قيامها بتحويل مجرى النيل، سؤال رغم مأساويته إلا أن الشباب نشروا آلاف الإجابات الساخرة عنه على مواقع التواصل الاجتماعي المختلفة للتعبير عن استيائهم مما وصل إليه حال مصر، وتوقع الشباب أن تتحول أغنية «ماشربتش من نيلها» إلي جملة خبرية .
فيتو كافيه رصدت تعليقات الشباب..
ليلى كامل: ومن إنجازات عصر النهضة تحويل أغنية (ماشربتش من نيلها) من جملة استفهامية إلى جملة خبرية..
رابحة المصري: والحنفية تبقى في الحمام والمحبس في أديس أبابا..
طارق مجاهد: والآن مع فقرة الأغاني الكوميدية ونبدأها بأغنية «ماشربتش من نيلها»..
أحمد حميد: اللي مالحقش يشرب من نيلها يا جدعان يلحق ياخدله بؤ دلوقت..
عبد الرحمن السيد: الأخ محمد بديع: أراضي مصر مهددة بالبوار ومع ذلك محدش سمعك بتقول لإثيوبيا «ما ذنب النباتات»؟، لعل المانع خير يا مولانا..
حبيبة عبد الله: ملكة جمال إسرائيل الجديدة؛ يتيش أينو.. التي ولدت في إثيوبيا، معنى اسمها: النظرة الى المستقبل.. عمرو مصطفى ستايل..
حلمي عماد الدين: الناس المتشائمة من موضوع النيل؛ يا بااااي على الفقر؛ مش هانموت من العطش يا فقريين.. لو النيل خلص فرغلي جامعة الدول فاتح 24 ساعة!.
عمرو الشيخ: مش متأكد بالظبط هل حوار سد إثيوبيا ده مسئولية مبارك ولا مرسى.. بس اللى متأكد منه إن السادات لو كان عايش كان زمان سلاح المدفعية بيضرب أديس أبابا دلوقتى.
ياسر الفاروق: سد إثيوبيا.. لمون أكتر.. نهضة أكتر..
أحمد عيسى: جلست والصابون في عينيها... تتأمل الماء المقطوع.. قالت يا ولدي لاتخجل فالدش عليك هو المقفول..
محمد النزاوي: ومن إنجازات الرئيس ونهضته إن كلمة «يحموك في كنكة» مابقتش شتيمة..
أحمد محمد علي: يعني بعد كده يا إخوانا لما أحب آخد دش أستأذن رئيس وزراء إثيوبيا الأول؟..
الشارة: زمان..النيل نجاشي.. دلوقتي.. النيل مجاشي..
حمادة العزوني: بعد التوزيع الجديد لحصص دول حوض نهر النيل من المياه ... مصر هتاخد حصة الألعاب..