إيمان حلمي تكتب: عافر لحلمك

خلصت جامعة ؟ خليني أقولك اللي محدش هيقولهولك !! فأرجوك ركز أوي!!
- الفترة دي مش بتاعت فلوس خالص!! الفترة دي فترة الزراعة عشان لما تكبر تحصد اللي زرعته فاشتغل في المكان اللي تلاقي فيه ناس تعلمك حتى لو بمرتب ضعيف!
- إياك تتردد إنك تشتغل في شركة صغيرة! الميزة هناك إنك هتلم بكل حاجة بتحصل في كل الأقسام!
- فكك من موضة الإستارت آب بزنس وإنك تعمل مشروع لنفسك!! أتعلم في فلوس الناس الأول!
- متخفش من إنك تتنقل كتير! أسطورة أن الJumper أو اللي بيتنقل كتير غلط !! طالما بتتحرك للمكان الأحسن اتحررررررك!
- اعمل علاقات على قد ما تقدر! آه الشغل في مصر قايم على العلاقات(مقصدش الوسايط).
- ضيع فلوسك على الكورسات!! التعليم مبيخسرش!!
- لو كل 3 شهور معملتش تعديل لCV وزودت كورسس أخدتها أعرفك إنك ماشي غلط!
- اسحل نفسك في الشغل وإنك تتعلم! ولو اشتغلت Call center ده حاجة مش وحشة هتطلع منها مستفيد بحاجات كتير أهمها أهمية الدقيقة وهتفتحلك سكك لحاجات تانية كتير وهتعرفك على ناس أكتر!
- آخر حاجة! إياك تكون بخيل! اتعلمت حاجة علمها للي حواليك! الرزق بتاع ربنا! كقاعدة الجزاء من جنس العمل! هتعلم حد هيجيلك اللي يعلمك !! هتساعد حد يلاقي شغل ؟! هيجيلك اللي يجبلك شغل لحد عندك!!