زيادة أسعار الوقود تفسد فرحة العيد.. وسائقون: «هنعمل إيه» (فيديو)

«طاقة النواب»: لن نستدعي وزير البترول.. وزيادة أسعار الوقود متفق عليها
سادت حالة من الاستياء بين سائقي الأجرة والركاب في العديد من المواقف، بسبب الزيادة الجديدة في أسعار الوقود في ظل الاحتفالات بعيد الفطر والتي أفسدت فرحة العيد.
وتشاور السائقون فيما بينهم عن قيمة الزيادة التي من المقرر فرضها على الركاب بما يتناسب مع زيادة الأسعار.
ورصدت "فيتو" ردود فعل السائقين، والتي جاءت كالتالي:
موقف عبود
قال أحد السائقين: "بعد ما البنزين زاد الصفيحة كانت 75 جنيها بقت ب110 جنيهات.. الأجرة زادت نص جنيه بقت ب3.5 جنيه وطبعا الناس مضايقة وده يزعقلي وده يهددنى أنه يوديني الكمين".
موقف حلوان
أكد سائق أن زيادة الأسعار المقررة كبيرة، ولا تتناسب مع الغلاء، وقال :"الدور رايح جاي كان بيطلعلي 30 أو 40 جنيه دلوقتى الفلوس دى هتروح على زيادة البنزين والأعطال والمرور والترخيص.. هنعمل إيه نروح بيوتنا ننام بقى".
موقف المنيب
وقال مواطن: "مش عارفين المواطن التعبان هيعمل إيه ربنا يرحمنا برحمته احنا بنقول أن شاء الله الاقتصاد يتعدل بس إلى بنبات فيه بنصبح فيه المرتبات هي هي والحاجة هي إلى بتغلي والبنزين كمان لما يغلي كل حاجة هتغلى معاه.. أدينا عايشين هنعمل إيه".
موقف الجيزة
قال سائق أجرة: "185 قرش زيادة كتيرة والمشكلة كمان أن مش البنزين بس إلى غلي.. دى كل حاجة هتغلي والناس بتكلم نفسها".
وتابع: "أنا سواق بيدخلي 120 جنيها في اليوم أقسم بالله من ساعة العيد الكبير ما دخل بيتنا اللحمة إلا مرة واحدة.. حرام كده".
وجاءت الأسعار الجديدة للوقود على النحو التالي:
البوتاجاز المنزلي: 50 جنيها/ أسطوانة.
البوتاجاز التجاري: 100 جنيه/ أسطوانة.
البنزين:
95: 7.75 جنيهات/ لتر
92: 6.75 جنيهات/لتر
80: 5.50 جنيهات/لتر
الكيروسين : 5.50 جنيهات/ لتر
السولار: 5.50 جنيهات/ لتر
المازوت: (باقي الصناعات): 3500 جنيه/ طن
مع ثبات سعر الصناعات الغذائية والكهرباء والأسمنت.
غاز تموين السيارات: 2.75 جنيه / م3.