قالت رابطة "ألتراس ثورجى"، على صفحتها بموقع "فيس بوك"، اليوم الإثنين: "بسم الله الرحمن الرحيم .. (الحرية للمعتقلين ). وأضافت: "يوم الخميس اللى هو يوم 5/9 هيبقى اليوم اللى هيتحكم فيه ع الرجالة وبإذن الله إخلاء سبيل.. احنا هنتجمع فى محمد محمود من الساعة 9 لحد 9.30، وبعد كده هنتحرك ع عبد المنعم رياض ونركب ع محكمة مصر الجديدة". وأضافت: "اليوم دا عايزين الحشد يبقى كبير عايزين الثوار ينزلوا يساندوا بعض علشان لما كلنا نقف مع بعض محدش هيعرف يفرقنا، ولما نكون كتير مش هيعرفوا يلفقوا تهم لنا هم عارفين غضبنا احنا هنبدأ نحشد ع اليوم دا، وكل الثوار ياريت تساعدنا علشان نخرج إخواتنا ونكمل ونطلع باقى المعتقلين". وذكرت: "احنا وقفنا مع كل الناس ومستنينا نشوف مين هيقف معانا اليوم دا، مفيش شغب ولا أى اشتباكات علشان اللى هيحاول يعمل كدا بيضر إخواتنا احنا جوا، واللى هيعمل كدا هيبقى أكيد مش مننا وهنحط عليه لو هو مين الكلام واضح". واستطردت: "ياريت كل اللى يعمل حضور يبقى جاى لو مش جاى يبقى خليك جنب أمك ومتعملش حضور يعني قعدين فى البيوت وقرفنا كمان ما علينا ..... اليوم دا بإذن الله هياخدوا إخلاء سبيل ماخدوش إخلاء سبيل هنديهم احنا إخلاء سبيل والحدق يفهم مستنينكم ...... طول ما العدل غياب .. الثورة ع الأبواب.. للتواصل أو التنسيق: 01159597535 محمد يوسف 01152521208 أحمد ميدو".