بعد الهجوم على أوكا.. مي كساب: أنا إنسانة من لحم ودم وكرامة

رسالة رومانيسة من مي كساب لزوجها أوكا
تفاعل عدد كبير من نشطاء موقع التواصل الاجتماعي "تويتر"، مع تغريدة الفنانة مي كساب، التي تدافع فيها عن زوجها وترد على من يهاجمونه.
وكتبت مي كساب، «أما زوجي بتاع المهرجانات فهو أرقى منكم بكتير وأحسن وأفضل منكم عند الله ع الأقل مش قاعد فاضي زي الستات اللي مش متربية وبيشتم ويجرح في خلق الله وزوجي بتاع المهرجانات عمل اللي أمثالكم ما عملهوش يا شوية فشلة إنسان ناجح وبيتقي ربنا في بيته وبنته واتعلم من غلطاته وطور من نفسه».
وعلق كريم رضا، «ربنا يسعدك ويبارك في بنتك وجوزك يا مي، كبري دماغك، كل هذه أحقاد ليس أكثر.. الإمام الشافعي مرة حد شتمه فكان معاه ولد من تلامذته فسأله مرديتش الشتيمة ليه، قاله بكل بساطة هل من العقل أن لو كلب عضني في الشارع أجري وراه وأعضه.. بس كدة أظن الرساله وصلت».
فردت مي كساب "أنا إنسانة من لحم ودم وشرف وكرامة للأسف مش الإمام الشافعي ولما أنا ما رديتش الشتيمة بشتيمة زيهم لأن أخلاقي وتربيتي وديني ما يسمحوليش أنزل لمستوى كلامهم البذيء ده".
وقالت موكا "بصراحة أنا مشفتش حد محترم زيه، ربنا يهنيكي معاه يارب، ويبعد عنكوا كل حاقد وحاسد".
وأضاف محمود، "والله يا مي اللي أجمل منه إيمانك بيه أنت فعلا بنت ناس".
يذكر أن هناك هجومًا على المطرب أوكا زوج الفنانة مي كساب، الأمر الذي دفع مي للدفاع عن أوكا من مهاجميه بهذه التغريدة.