وفاة المرض بعد صراع طويل مع مبارك!

«ألف مبروك» هو عنوان لفيلم مات البطل فيه لعشرات المرات, إلا أن فيلم وفاة الرئيس السابق حسني مبارك تفوق عليه, وهو ما جعل صحة المخلوع محل سخرية الشباب عبر مواقع التواصل الاجتماعي ليقرروا النزول في مليونية «اللطم والصويت» ليس حزنا عليه, إنما ليعذب أكثر في قبره, بينما انتظر محبو مبارك آخر خطاب يلقيه الرجل بعد موته ليشرح لهم تفاصيل الوفاة, فماذا قالوا..
محمد شهيب: حد يقول لمبارك الموت الكتير ده خطر على صحته, ممكن يقلب معاه بنزلة شعبية حادة.
أميمة جلال: عاجل : المجلس العسكري يعلن وفاة المرض بعد صراع طويل مع مبارك.
محمد طلعت: الجزيرة بتقول مات, الحياة بتقول مات إكلينيكيا, ال«سي إن إن» بتقول ما ماتش بس حالته حرجة..بس أكتر حاجه قلقاني إن قناة التت جايبة رقاصة لابسه أسود !!!
خالد مجاهد: أنباء عن تدهور حالة مبارك الصحية أثناء متابعته لخبر وفاته على التلفزيون .
محمد فكري: مبارك سيلقي خطابا للأمة بعد قليل يشرح فيها تفاصيل موته :))
محمد العزب: مبارك بيفكرني بالراجل الصيني اللي كان في فيلم لا تراجع ولا استسلام ... ولكني سأعود..
نواره نجم: نقلوه مستشفى المعادي لا ما نقلوهوش.جتله جلطة لا مجتلوش..مات اكلينيكيا لا ما ماتشي..مرسي كسب لا شفيق هوه اللي كسب..البلتاجي والشاطر النيابة استدعتهم لا محدش استدعاهم..بكل جدارة الشعب المصري يستحق نوبل في ترويج الإشاعات..أي والله.
سارة يوسف: يا شباب لو مبارك مات .. ننزل مليونية صويت ولطم وعياط .. لان الحاجات دي بتعذب الميت.
عايدة محمود: أنباء عن تدهور حالة مبارك الصحية بسبب وفاته.
هبة معوض: عاجل: وكالة أنباء الشرق الأوسط تعلن وفاة مبارك سريريا .. يا لهوي ده سريريا يعني لسه أول مرحلة في الموت لسة هيموت كنبيا و هيموت كرسيا ولسه كتير..
مى الأتربى: هل تعلم عزيزي المواطن أن مبارك مات اكتر من احمد حلمي في فيلم «ألف مبروك» .