سما المصري عن ريهام سعيد: «اللهم لا تؤاخذنا بما فعل السفهاء منا»

«ريهام سعيد في الكلابشات».. حبس المذيعة ورئيس التحرير والمنتج الفنى لصبايا الخير.. النيابة: المتهمون اشتركوا بالتحريض على اختطاف أطفال.. والإعلامية: بخدم أطفال مصر ومش معقول أخطفهم
نشرت الفنانة سما المصري عبر صفحتها الشخصية على موقع الصور الشهير "إنستجرام" صورة للإعلامية ريهام سعيد وعلقت عليها قائلة «اللهم لا تؤاخذنا بما فعل السفهاء منا ولا تسلط علينا بذنوبنا من لا يخافك ولا يرحمنا يااارب أنا مش شمتانة أنا بس حبيت أوريكم أن البلد دي فيها قانون».
وأضافت: «أنا طرحت الموضوع دا قبل كده عليكم وأنتم ماصدقتوش ومحدش هان عليه يقول كلمة حق ويقول إن الست دي غلطانة وبتتاجر بأمراض الناس.. الإعلام بتاعنا بقي يتاجر للأسف بكل حاجة حتى بدم أطفالنا وسمعة ستات مصر... ستات مصر ياأستاذة ريهام مش اللي انتي بتجبيهم عندك في البرنامج.. هم مش دواعر ولا بتخون جوزها ولا لابساها عفريت ولا عنيها بتجيب دم ولا ملحدة ولا عندها صرع ولا ليها صور مش حلوة مع شاب ذي فتاة المول».
وأضافت: «ستات مصر أنضف من كده بكتير أوي ومحدش عارف اللي حصلك دا ذنب مين ولا مين... ربنا ينجيكي بأه لو كنتي مظلومة وينتقم منك لو كنتي ظلمتي حد... فضيحة الولايا مش سهلة وربنا منتقم جبار وأتمنى أنك تطلعي مظلومة من القضية دي لأنها مش سهلة ولو جربتي حرقة دم الأمهات على عيالها اللي بتتخطف ماكنتيش فكرتي تعملي سبق صحفي عن الموضوع دا وتخلي واحد بجد يخطف عيال الناس... خلوا بالكم من عيالكم والأهم تخلوا بالكم من الإعلام بتاعنا لأن معظمه بقى شمال والنضيف منه بيخاف يقول الحقيقة عشان المصالح وعشان العلاقات وعشان حاجات كتير أوي بس البلد دي فيها قانون قادر يجيب حق الغلبان... الغلبان في البلد دي ملهوش غير ربنا والقانون.... اللهم لا شماتة».