لوسي تحرج صافيناز على الهواء: «شوفتك بترقصي من غير حاجة خالص»

انتقدت الفنانة لوسي، ملابس الراقصة الأرمينية صافيناز، على الهواء، قائلة: «صافيناز لازم تلبس حاجات متغطية».
وسخرت في مداخلة هاتفية ببرنامج «العاصمة» تقديم الإعلامي تامر عبد المنعم، من تصريحات الراقصة الأرمينية صافيناز والتي قالت فيها «لو في فيديوهات لي أثناء الرقص ببدل بدون شورت طلعوها، أو صورة لصافيناز بدون شورت»، قائلة: «إيه الشورت ده، أنتوا اللى اخترعتوا الشورت..عمرنا ماشوفنا سامية جمال أو زينات علوي وسهير زكى ونجوى فؤاد لبسوا شورت، وأنا كنت برقص إمبارح حتى الساعة الخامسة صباحا بدون شورت».
وواصلت لوسي هجومها على الراقصة الأرمينية قائلة: «أنا شوفتك كنتي بترقصي من غير اللي اسمه إيه (...) مش شورت بقى في حفل عيد ميلاد بنت مصطفى كامل، وكانت بترقص من غير حاجة خالص، اللى بتقولي هاتوا لى صورة من غير شورت، والعيب مش في الشورت، العيب في حركات الإثارة المبتذلة اللى بيعملوها».
وأعلنت تحديها أن يظهر أحدًا فيديوهات رقص بدون «شورت»، قائلة: « أنا متعودة على ارتداء الشورت، وكل بدل الرقص الخاصة بيا بها شورت، وده المفروض أن كل الراقصات تلبسه، ولو في فيديوهات لي أثناء الرقص ببدل بدون شورت طلعوها، أو صورة لصافيناز بدون شورت».