كتاب «إنجازات النهضة».. الأكثر مبيعا فى مجال الخيال العلمى

فى الفضاء الافتراضى لا حواجز تمنع الساخرين والمضحكاتية من السخرية من أى شىء وكل شىء.. هنا نرصد قفشاتهم ونكاتهم وآراءهم الجريئة اللاذعة.
كتاب مرسي حول إنجازات النهضة من أكثر الكتب مبيعا، ليس لاهتمام الشباب بمعرفة الإنجازات، ولكن لأنه كتاب خيال علمي، ويراه آخرون كتابا ساخرا، ولكن من المؤكد ذكر في الكتاب من إنجازات لا يمت للحقيقة بصلة.
كتاب الإنجازات كان الأكثر جذبا للتعليقات الساخرة عبر مواقع التواصل الاجتماعي المختلفة، فكانت أبرز التعليقات...
وليد عزيز: حضرتك ألاقى عندك كتاب إنجازات الرئيس مرسى؟، موجود يا فندم، تقدر تشوف قسم الخيال العلمي..
عمار الحناوي: ده في قسم المرأة والرضاعة..
باسل الرفاعي: الكتاب موجود في مستشفى الجلاء للولادة يا فندم، ده إنجازات 9شهور..
شريف أبو العلا: لو عملنا إحصائية بأسوأ عشرة تصرفات أو مواقف للسياسيين حول العالم هنلاقى إن مرسى ليه 11 منها..
-أكرم شهاب: الإنجازات فى الراس مش فى الكراس..
ساندي الحويلي: قصدك في قسم الخيال المريض.. ياريته حتي علمي .. مرسي ده علمي علمك..
نور لبيب: إنجازات مذهلة لدرجة أنى اتشليت وأنا بقرأها..
محمد عبد العليم: الراجل نسي يقول إن الزمالك كسب 7 صفر من إنجازات مرسي..
عواطف رخا: لجان الإخوان الإلكترونية بعد كل فضيحة من فضايح حكمهم تطلع وتقول لك اغضب ياريس وخد قرارات حاسمة، اغضب ياريس وطهر معرفش مين، اغضب ياريس واحنا معاك... مش عارف لما يغضب هيعمل ايه... هيطلع نار؟..
إسلام أسامة: ياعم يارب يغضب ويسيب البيت.. قصدى البلد.
إبراهيم الجارحي:
لازم برضه لما نقيم مرسي نقول اللي ليه واللي عليه.. كلام سليم.. مزبوووط.. هو عنده عيوب ما قلناش حاجة بس ما هو كل رئيس عنده عيوب!..
كلام سليم.. مزووبوط..
يعني لو شايفين السلبيات لازم برضه نبص على الإنجازات ما نغفلهاش
- كلام سليم.. مزبوووط..
بس إيه بقا الإنجازات اللي عملها مرسي؟!!..
... ها؟