متعب: يارا اتظلمت بسببي وبحب أسجل أهدافا علشان المعلق يقول اسم بناتي

قال عماد متعب، لاعب النادي الأهلي: إنه عقب الهدف الذي سجله في الكونفدرالية عام 2014، ظل المعلق يقول: «تسلم رأسك يا أبو البنات، وقال اسم بناتي تمارا وسيلين، وبناتي بيحبوا يشوفوا الهدف ده وحافظين شكله على اليوتيوب، وده في حد ذاته كان حافزا ليا إني أسجل أهدافا تانية علشان اسمهما يتقال تاني».
وعن زوجته يارا نعوم، ملكة جمال مصر السابقة، أضاف متعب خلال لقائه ببرنامج «صاحبة السعادة» تقديم الإعلامية إسعاد يونس المذاع على فضائية «cbc»: «يارا زوجة بمعنى الكلمة، وأنا شايف ده في تربيتها لبناتي، وأنها ضحت بكل حاجة علشان تتفرغ لتربية البنات، ووقفت جنبي كتير واتظلمت بسببي، معرفش ليه كان بيحصل هجوم عليها لما يكون مستوايا وحش، وأنا جت عليها فترة قصرت معاها جدا ومع بناتي، وربنا يقدرني وأقدر أسعدهم لحد آخر لحظة في حياتي».