شباب "فيس بوك" يكشفون أسباب تخلى روسيا عن مرسى

"رايح إيد ورا وإيد قدام ولا واخد معاك كيلو برتقال أو موز"، كان هذا تفسير نوسة؛ أدمن صفحة المجلس الأعلى للألش؛ لعدم موافقة روسيا على منح مصر صوامع القمح الذى ذهب مرسى لاستيرادها، المقارنة بين مرسى وعبد الناصر فى زيارتهما لروسيا لم تكن فى صالح مرسى، حيث لم يستقبل مرسى إلا العمدة، بينما عبد الناصر كان استقباله حافلًا، "فيتو كافيه" رصدت تعليقات الشباب ..
الشنير: "مرسى راح روسيا بعتوله عمدة مدينة يستقبله فى المطار.. ده أنا بروح الغردقة روسيا كلها بتاخدنى بالأحضان".
نوسة: "ماهو لازم العمدة يستقبلك.. رايحلهم إيد ورا وإيد قدام، ولا واخد معاك كيلو برتقان ولا موز".
المجلس الأعلى للألش: "استقبال عبد الناصر فى موسكو.. كان صقر كبير .. كان بيمشى شارع بحاله قدامه.. كان فَضِلّه يومين وصورته تنزل عالجنيه ".
الشارة: "بوتين: الحبتين بتوعك دول يا مرسى ما يخيلوش عليا.. إنت فاكرنى أجنبى ولا إيه؟ أنا ابن بلد ومدقدق.
يعنى ملقتش غير روسيا تشحت منها؟ دول بيفاصلوا مع بياعين الخضار فى السوق... واسأل أى حد فى الغردقة".
خالد سلام: "رويترز: مرسى يفشل فى الحصول على قرض أو إمدادات من القمح من روسيا، مرسى مش رئيس جمهورية، مرسى موتساساساساساسول".
أبو نسمة الأسطورة: "طب هات أى حاجة يا جدع ماتبقاش كده".
ألشة را: "عدد الروس اللى قابلوا مرسى فى المطار أكبر من عدد سكان قطر".
المجلس الأعلى للألش: "لن أقابل أى رئيس يدعم نظام الأسد" من قائل هذه العبارة ولمن قيلت؟
مى أحمد: واحدة زميلتى بتقولى هى روسيا دى بتدى فلوس!! ده تلاقيه رايح يجيبلنا سلاح يضربنا بيه.
داليا حامد: أنا بتعامل مع الروس، ودول أبخل خلق الله.. الله يرحمك يا سادات.