تفاصيل ظهور الطفل «محمد» للمرة الثانية مع عمرو دياب

أثار الطفل محمد، إعجاب الكثيرين من رواد مواقع التواصل الاجتماعي وجمهور عمرو دياب، بعد ظهوره للمرة الثانية على المسرح في حفل عمرو دياب.
وكشفت شقيقته الكبرى، علا عاطف، حقيقة ظهور الطفل مرة أخرى هذا العام مع عمرو دياب، قائلة: "موضوع محمد وعمرو دياب في اختصار.. السنة اللي فاتت وزي كل سنة بنروح حفلات عمرو وبنقف أول صف، ولا في بالي محمد يلبس إيه عادي لابس تيشيرت بيحبه ومستنين عمرو عشان نقضي الحفلات، عمرو أخد باله من محمد في أغنية (على حبك) شاوره وبعتله بوسة".
وأضافت عبر صفحتها الشخصية على "فيس بوك": "لمحة مرة تاني بيغني ومندمج شاورله بردو زي أي حد، في أغنية محمد كان حافظها عمرو أخد باله أكتر وقاله تعالي أنا عايزك، طلع على الاستيدج وآخر حاجة تخيلتها إنه هايتصور وينزل بس، اتفاجئت إنه بيسأله ويقوله حافظ أغاني إيه وعندك كام سنة، وغني (الليلة) و(خلينا لوحدينا) و(هي عاملة إيه دلوقت) و(إيه يعني) و(وياه)، كان فعلا أحلى يوم في حياتي ومافيش أي ترتيب ولا تفكير من أساسه".
وبالنسبة لحفلة "مراسي" الأخيرة، قالت: "أقسم بالله ولا كنت رايحة الحفلة ولا معايا تيكت حتى لأنها خلصت من بدري، ومحمد نفسه جدا يروح وزعلان، لأنه عايز يشوف عمرو ويروح حفلتة زي ما اتعودنا، حد كلمني يوم الحفلة العصر وقالي في تيكت تيجي بس سعر أكتر، ومحمد زعلان وعمال يقول يلا نروح قومنا لبسنا ونزلنا، رايحين عشان ننبسط بردوا وقفنا أول صف ومحمد عامل شعره زي حفلة مارينا زي كل الشباب لأنه بيقلد عمرو دايما".
وتابعت: "طلع عمرو وإذ فجأه يشاور ويبص أوي لمحمد، ويقوله إنت تاني مش كنت هنا السنة اللي فاتت، حفظت الألبوم ولا لسه محمد قاله آه، قاله هاشوف وهاختبارك إستني، غنى عمرو وكله هايص مرة تاني قاله وريني لابس إيه وخلي حد يرفعك الناس تشوفك، بعد كده قاله يلا تعالي وغنى أقسم بالله حاجات أنا معرفش إمتى وإزاي حفظها، وقولت أكيد محمد مش هايعرف يغني لأنه سمع الألبوم اللي فات أسبوع".