المغير: القضاء عدو أصيل للثورة

قال أحمد المغير، الناشط الإخوانى، فى تدوينة على صفحته بموقع "فيس بوك"، اليوم الثلاثاء: "في الوقت اللي مفيش ولا بلطجي اتعاقب في حرق مقرات الإخوان (اللي اتحرقت فعلًا) عبدالرحمن عز بياخد 15 يوم تمديد على ذمة قضية حزب الوفد المتفبركة !!!".
وتابع: "القضاء عدو أصيل للثورة لإن نفس القضاء ده هوا نفسه اللي أخلى سبيل البلطجي القاتل علاء زغلول، رغم إن ده بقة عليه أدلة دامغة وواضحة ومتصور وهوا بيعتدي على ممدوح الولي وهوا بيعتدي على الإخوان في المقطم بل وكاتب هوا بيفتخر بإجرامه على الفيس !!!".
وأضاف المغير: "الأدهى من ذلك إن عبد الرحمن أصلا كان رايح يحتمي بالقسم بسبب مطاردة القاتل الإرهابي علاء زغلول ليه هوا وعدد من البلطجية بغرض قتله فتم حبس عبد الرحمن والإفراج على الإرهابي صنيعة رجال الشرطة والنيابة المتواطئين !!".
وقال: "بس أنا اللي مزعلني مش ده, اللي مزعلني إن القاتل إتحشدله بلطجية متأجرين بالفلوس، فعملوا مع النيابة تمثيلة إنها مضغوط عليها أما عبد الرحمن عز فمحدش راحله زي ما نكون بنثق في القانون والقضاء ومستنينه ينصفه !".
واستطرد: "بكرة إن شاء الله فيه إستئناف على القرار الظالم الفاجر بحبس عبد الرحمن الساعة 9 صباحا أمام محكمة الكيت كات خلف المدينة الجامعية يا ترى هنبيع عبد الرحمن تاني ولا هننزل نقف معاه ؟ أقل من 24 ساعة ويتجاوب على السؤال ده..الحرية للأحرار......الحرية لعبد الرحمن عز" .