مي كساب: «ما فيش صاحب يتصاحب وتسلمي يا شدة»

وجهت الفنانة مي كساب، رسالة لكل من تخلى عنها وخذلوها، بعد حبس زوجها "أوكا"، بتهمة التهرب من تأدية الخدمة العسكرية.
ونشرت"مي"، صورة مكتوبا عليها "تسلم الشدة ومرارتها اللي بينت الناس على حقيقتها". وعلقت على هذه الصورة عبر صفحتها الشخصية على موقع "إنستجرام"، قائلة: "الدرس المستفاد من المحنة دي ما فيش صاحب بيتصاحب ما فيش راجل بقي راجل والنبي يا ولاد انتو بتقولو حكم بس رينا كبير يمهل ولا يهمل والدنيا دوارة ما تقلقش الدور جاي عليك وساعتها مش هتلاقي اَي حد جمبك فرجه قريب وبعد المحنة منحة".
وأضافت: " كلمتين من القلب #أوكا_وأورتيجا روح واحدة في جسدين بيكملوا بعض في كل حاجة في الحياة وفِي الشغل من أول ما عرفتهم حتى قبل ما أحب محمد شفت طيبة عمري ما شفتها في حياتي وسذاجة وثقه في الناس وكل واحد واطي وحقير كان ييجي يدخل بينهم ويضحك عليهم ويستغل طيبتهم لمصلحته وكانوا يا عيني يبقوا عارفين أنه مش راجل ومش جدع ومش أخوهم ولا ضهرهم وإنه كلام بس فعل ما فيش ومع ذلك كانوا سايبينه وبيقولوا معلش قطع الأرزاق وحش عشان خاطر أهله وعياله، وعمرهم ما غدروا بحد، ولا خانوا حد، لكن للأسف المحنة والشدة بتبين كل واحد على أصله بتجيب الحقيقة".
وتابعت: "اللي في قلب كل واحد الجعان وقليل الأصل والخاين الحمد لله بان على حقيقته وربنا بعده عننا، أحلي حاجة جوزي قالهالي من زمان من أول ما عرفته أنه بيدعي ربنا دايما أنه يبعد عنهم أي حد وحش، والحمد لله كلهم بيبعدوا عننا مع ألف سلامة والقلب داعيلكم هنكسر ورا كل واحد زير كبير خلصنا من الأول فالتاني فالتالت الحمد لله غمة وانزاحت من على قلبنا يلا بينا بقي نقطة ومن أول السطر نبدأ من جديد على نظافة بِسْم الله الرحمن الرحيم#أوكا_وأورتيجا_مظلومين".