مى كساب تواصل الدفاع عن زوجها بهذه الكلمات المؤثرة

عبر صفحتها الشخصية على موقع التواصل الاجتماعى "الفيس بوك"، تواصل الفنانة مي كساب التعليق على حادثة زوجها عندما فوجئ ظابط الجوازات بوجود اسميهما علي قوائم الممنوعين من السفر، وذلك كونهما قاما بتزوير الأوراق الخاصة بتجنيدهما، وكتبت معلنة تضامنها مع زوجها "أوكا" مؤكدة براءته.
وقالت مي "كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام ابويا الجميل اللي رباني علي القناعه كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح انا مريت بظروف صعبه كتير في حياتي بس للأسف بقالي 4 سنين مش باشوف يومين حلوين علي بعض انا باعيش اقسي ايام حياتي من يوم 1/12/2012 يوم ما اكتشفت ان امي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبه كتير اد ايه السنين اللي فاتت بس الصراحه ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخده من جسمي لا عشان متاكده انه مظلوم متاكده انه ضحيه طيبته وسذاجته وللاسف ضحيه تعليمه المتواضع الضحل ضحيه ثقته الزياده عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابه وفي الاخر يستغله ويورطه طبعا لما باتكلم عن محمد كأني باتكلم عن احمد كمان اوكا واورتيجا روح واحده في جسدين ثقتي في رب العالمين كبيره جدا انه هينصرهم ويفك كربهم ثقتي في عداله القضاء العسكري كبيره انه مش هيظلمهم ثقتي في قلوبكم الرحيمه كبيره إنكم هتقفو جمبهم ادعولهم وادعموهم اقسم بالله العلي العظيم اوكا واورتيجا مظلومين".