"حموا الرئيس" هاشتاج يسخر من رائحة مرسى.. نوارة نجم: اللى مزعلنى إن اللبنانيين يئلشوا علينا.. خلود: استحمى خليت رقبتنا زى السمسمة..محمود: هو فيه خروف ريحته حلوة..عياد: كرنب أم أحمد السبب

بعد أن نشرت جريدة الديار اللبنانية خبرًا جاء فيه "اشتكى رؤساء دول الذين قابلوا الرئيس المصرى محمد مرسى من عدم نظافته، وأن الرائحة التى تصدر عنه كريهة، ولذلك أبلغوا مدير المراسم فى القصر الجمهورى ليلفت نظر مرسى إلى الموضوع"، قام النشطاء بتدشين هاشتاج "حمُّوا الرئيس" للسخرية من رائحته ومطالبته بالاستحمام.
نوارة نجم الناشطة السياسية قالت: "الرئيس لما راح ألمانيا بعض المسئولين بلّغوا الخارجية المصرية أنها لازم تنبه مرسى أن ريحته مش حلوة.. أنا مافيش حاجة مزعلانى ومخلية نفسى تصعب عليّا غير إن اللبنانيين يئلشوا علينا عشان محنتفين فى نفسهم.. حَمُّوا الرئيس".
نادية حسن: "نهار إسود.. الرئيس لما راح ألمانيا بعض المسئولين بلّغوا الخارجية المصرية إنها لازم تنبه مرسى إن ريحته مش حلوة".
محمد البعطيطى: "الرئيس لما راح ألمانيا بعض المسئولين بلّغوا الخارجية المصرية إنها لازم تنبه مرسى إن ريحته مش حلوة، حموا الرئيس كفاية فضايح بقه".
خلود الفقى: "حَمُّوا الرئيس.. ليه كده يا مرسى، أنا أستحمل كل العيوب إلا الريحة.. خليت رقبتنا زى السمسمة".
وقال مسلم مش إخوان: "الاتفاق مع شركة نظافة فرنسية علشان مرسى.. حموا الرئيس".
محمود عبد العظيم: "حَمُّوا الرئيس، طبيعى إن ريحتة تكون وحشة.. هو فى خروف ريحته حلوة".
وقال أمادو OffTheHookPain: "حَمُّوا الرئيس، الصيف علينا داخل، قوم يا مرسى خد دش".
المؤتمن قال: "ميزانية الرئاسة بقت تابعة لمكتب الإرشاد، يعنى بديع والشاطر أولى.. حموا الرئيس".
بسنت محمد: "حَمُّوا الرئيس، يا عم فضحتنا، خد شاور، خد حمام، خد دش.. بس ارحمنا يا واكسنا".
عياد كامل: "حموا الرئيس، أكيد أم أحمد كانت عاملة حلة الكرنب، وضرب واحدة سلف ديفينس لدواعى أمنية.. محشى الرئيس أقوى أنواع المسيل للدموع".
Rayeh f Dahia: "حَمُّوا الرئيس، بقترح إننا نصرفله فوق مرتبه الرئاسى بدل نتانة".
الشيخة مهلبية العمشة: "حموا الرئيس، مينفعش معاه صابون عادى.. فنيك يدخل من البق ويطلع من اللامواخذة".
هدير المكاوى: "حموا الرئيس، أكيد أم أحمد اللى مش بتغسل هدومه، وهى اللى معفنة، بلاش تظلموا مرسى".
الناشط العربى بوليد بو خمسين: "الفراعنة حكموا مصر من سبعة آلاف سنة وريحتهم زى ما هيه.. ومرسى يا دوب مكمل سبع شهور وريحتوا فاحت.. ياه منوا لله اللى كان السبب.. حموا الرئيس".
راندا زين: "ريحتك فاحت أوى يا مرسى، استعمل خمس خمسات".
عليا جاد: "حموا الرئيس.. طب أنا بكرهك يا مرسى ومبطيقش أشكالك.. لكن الكلام ده لما يتقال عليك وانت رئيس مصر نعمل إيه إحنا بقى.. عرّيتنا جتك القرف".
نور سمير: "مش كفاية شكلك وحش، ولبسك وحش، وضحتك وحشة، وأسلوبك وحش، وكل حاجة وحشة، حتى ريحتك كمان وحشة!! حموا الرئيس".
أحمد مجدى: "الذين يقولون على مرسى معفن هم المتعفنون، حموا الرئيس.. عشان كده محدش بيقابلك فى المطارات".
زى زيدان: "أنا رغم كوميدية الهاشتاج ده بس فعلًا حاجة تحزن، فضحنا، حموا الرئيس".
أمنية جمعة: "يخرب بيتك يا مرسى، بقيت عدم نظافة من جوة ومن بره؟ حموا الرئيس".
وقال ihozaam : "لو عايزين تعرفوا حقيقة ريحة مرسى اسألوا عن هروب الناس منه فى اجتماعات الجمعية الوطنية للتغير، حموا الرئيس".
مينا وليم: "الحلو حلو لو حتى لسه صاحى من النوم.. والمعفن معفن حتى لو بيستحمى كل يوم، حكمة.. حموا الرئيس".
وقالت عزة مطر: "حموا الرئيس، انظروا إلى المدعوم من ربه كيف تلصق به الصحافة الدولية كل مذمة ونقيصة.. لن ندافع عنك، فليدافع عنك ربك، ولنا الله من قبل ومن بعد".