بالفيديو.. سعد الصغير: «اللي شغالين في الوسط الفني ب 28 وش»

قال المطرب الشعبي سعد الصغير: «أوقات كتير بكون بوشين، فلما ييجي واحد صاحبي يسمعني أغنية، وأنا مكسوف أقوله إنها وحشة، فأقوله دي هتكسر الدنيا.. فبضطر أبقى بوشين؛ علشان محرجهوش».
وأضاف، خلال لقائه ببرنامج «ده كلام» المذاع على فضائية «dmc»، تقديم الإعلامية سالي شاهين: «اللى شغالين في الوسط الفني لازم يكونوا ب 28 وش، والصريح الناس بتزعل منه»، موضحا «أنا في البيت بابقى ب 50 وش».
وتابع: «كنت في أحد البرامج من فترة قريبة فسألنى المذيع مين أحسن مطرب، فقولت 5 أسماء، الباقي كله زعل مني، وقولت على نفسي أنا وحش مبعرفش أغني».