سما المصري عن زواجها من رجل مهم: «نبطل هري وكل واحد حر»

علقت الراقصة الاستعراضية سما المصري، عن خبر زواجها من رجل مهم، عبر حسابها الرسمي على موقع الصور "إنستجرام" قائلة: "نفسي نبطل هري في الموضوع دا وكل واحد حر في حياته الشخصية....كفانا التدخل في شئون البشر يا بشر....".
يذكر أن الإعلامية بسمة وهبة أكدت في برنامج "هتكلم" الذي يعرض على قناة القاهرة والناس، أن سما المصري على علاقة برجل مهم، وكشفت عن تعرضها للتهديدات بسبب معرفتها بهذا الموضوع وعلقت قائلة: "التهديدات دى بتدل على أن زواج سما المصرى من رجل مهم ليست شائعة، والتهديدات دى يا مستر إكس مع سما مش معايا أنا هخاف منك ليه، سما معرفتك أو مراتك تشغلها مذيعة، ممكن تعملها برامج دينية لكن أنا هخاف من حضرتك ليه، وعلى فكرة أنا لغاية اللحظة دى معرفش إنت مين لكن أنا ممكن اعرف لو دورت شوية لأن النهارده مفيش حاجة بتستخبى الدنيا دلوقتى صغيرة، في ظل وجود الميديا، وسما مش نكرة هي مشهورة على مواقع التواصل الاجتماعى".