ألا تغردووووون؟

فى الفضاء الافتراضى لا حواجز تمنع الساخرين والمضحكاتية من السخرية من أى شىء وكل شىء.. هنا نرصد قفشاتهم ونكاتهم وآراءهم الجريئة اللاذعة.
تويتر الذي اتهم بسببه البرادعي بالسلبية أصبح وسيلة مرسي لمواساة أهالي ضحايا السويس، مرسي لن يكتفي بالتغريد, وتوقع الشباب ان يلجا للهاش تاج لنعي الضحايا، شباب "فيس بوك" رأوا في تصرف مرسي تكرار كوبي وبست من أفعال مبارك, وأكدوا أن حكم مرسي باق منه خطابان وبعدها سيتنحى، "فيتو كافيه" رصدت تعليقات الشباب على تغريدات الرئيس..
صلاح العزب: مطلوب فورا من الحكومة: توفير حساب علي تويتر لكل مواطن يصرف مع بطاقة التموين عشان نعرف نكلم مرسي كويس.
زين الشيطي: اشطة! كده يبقى ليك في ذمتنا خطابين كمان وبعد كده تخلع من نفسك.
فايز العوادلي: على يقين أن الرئيس مرسى لن يتوقف رد فعله على كتابة هذه التويتة فقط, لكنه سيقوم بعمل هاش تاج خاص لنعى شهداء السويس، والله الموفق.
أمير مسلم: هو أنا انتخبت رئيس عشان لما أعارضه يغرد لي!
حسام الأتربي: لا يا جماعة انتوا فهمتوا غلط.. هى كانت رسايل في الأول.. بعد كده اكتشف إن معاه دقايق مجانية, فقال يكلم الشعب وخلاص.
هيثم غراب: لا معهوش رصيد, بس المهم إننا عارفين الرقم 56734.
أحمد عباس: مع كل مرة بيحصل فيها احتجاجات موسعة، بيكون رد فعل الرئاسة والحكومة واحد، وهو: «أن تلتزم الصمت وترابض في بيتها خوفا من الفتنة.. ربنا ما يقطع لكم عادة.
أسعد ظريف: البرادعي نزل الشارع ومرسي بيخطب على تويتر. اقتربت الساعة.
دلال السلاب: مرسي تويتر مان.
أحمد عواد: ألا تغردووون؟!
تقصد تقول» أفلا تكبرون دماغكم.. «فادي العدل:
محمد غانم: بس أهالي الشهداء معندهمش تويتر.. دلوقتى البرادعى هيغير..
ممدوح الغواب: ياترى مرسى واخد وصلة نت من جاره, ولا بيدخل بجنيه ف اليوم من ع الموبايل؟
محروس السيد: بقي عندنا رئيس إلكتروني.
عفاف التوارجي: انتخبه ولو معجبكش إبقى اعمله بلوك على تويتر.
عماد غزال: واضح إن غلطة مبارك إنه ماكانش عنده حساب على تويتر.. هههههه.
طارق أبو السعود: قناه العربية..الحكومة الإلكترونية تشدد الرقابة علي مواقع التواصل الاجتماعي «فيس بوك».. وأنباء عن حملة اعتقالات واسعة لكل أدمنز الصفحات الثورية.. ياعم اجرو كده.. بس أنا مفهمتش الزتونة إيه.. أخاف يعني واللا أقفل الصفحة واللا الغي الاكَّونت بتاعي؟
محمد عبدالقادر: يا نجيب حقهم, يا نجيب حقهم برضه.. احنا مش هنموت.. احنا كتير أوى يا عم, 90 مليون.