شباب ال"فيس بوك": باقى لمرسى خطابين قبل خطاب التنحى!!

غار مرسى من البوب وقرر أن يغرد على "تويتر" الذى اتهم بسببه البرادعى بالسلبية، أصبح وسيلة مرسى لمواساة ضحايا السويس، مرسى لن يكتفى بالتغريد وإنما توقع الشباب أن يلجأ ل "الهاش تاج" لنعى الضحايا، شباب ال"فيس بوك" رأوا فى تصرف مرسى تكرار كوبى وبيست من أفعال مبارك وأكدوا أن حكم مرسى باقى منه خطابين وبعدها سيتنحى، فيتو كافيه رصدت تعليقات الشباب على تغريدات الرئيس.
صلاح العزب: مطلوب فورًا من الحكومة: توفير حساب على "تويتر" لكل مواطن يصرف مع بطاقة التموين عشان نعرف نكلم مرسى كويس.
زين الشيطى: إشطة! كده يبقى ليك فى ذمتنا خطابين كمان وبعد كده تخلع من نفسك.
فايز العوادلى: على يقين أن الرئيس مرسى لن يتوقف رد فعله على كتابة هذه التويتة فقط، ولكنه سيقوم بعمل "هاش تاج" خاص لنعى شهداء السويس، والله الموفق!
أمير مسلم: هو أنا انتخبت رئيس عشان لما أعارضه يغردلى.
حسام الإتربى: لا يا جماعة إنتو فهمتوا غلط.. هى كانت رسايل ف الأول.. بعد كده اكتشف أن معاه دقايق مجانية فقال يكلم الشعب وخلاص.
هيثم غراب: لا معهوش رصيد، بس المهم إننا عارفين الرقم 56734.
أحمد عباس: مع كل مرة بيحصل فيها احتجاجات موسعة، بيكون رد فعل الرئاسة والحكومة واحد، وهو "أن تلتزم الصمت وترابط فى بيتها خوفًا من الفتنة ".. ربنا م يقطعلكوا عادة.
جمال الدالى: رئيسكم يغرد على "التويتر" ألا تكبرون.
أسعد ظريف: البرادعى نزل الشارع ومرسى بيخطب على "تويتر"، اقتربت الساعة.
هبة عطية: كلمة مرسى للشعب المصرى عبر "تويتر" بمثابة تأكيد منه على استمرار التظاهر حتى "إسقاط النظام" مرسى يثبت أنه الرئيس الوحيد فى العالم الذى نجح فى الفشل.
أحمد عواد: ألا تغردووون.
فادى العدل: تقصد تقول "أفلا تكبرون دماغكم".
محمد غانم: بس أهالى الشهداء معندهمش "تويتر".. دلوقتى البرادعى هيغير.
ممدوح الغواب: ياترى مرسى واخد وصلة نت من جاره ولا بيدخل بجنيه ف اليوم من ع الموبايل؟
عفاف التوارجى: انتخبه ولو معجبكش أبقى أعمله بلوك على تويتر.
عماد غزال: واضح إن غلطة مبارك إنه ماكان عنده حساب على تويتر.
محمد عبد القادر: يا نجيب حقهم، يا نجيب حقهم برضه، إحنا مش هنموت إحنا كتير أوى يا عم 90 مليون.