إسرائيل تطالب مصر بمبلغ مليارى دولار

دولة إسرائيل تسعى الآن لدى المحاكم الدولية لتحصل من مصر على 2 مليار دولار، فعلًا اللى اختشوا ماتوا، المهم إن مندوب هريدى نيوز فى وزارة الخارجية حب يعرف إيه الموضوع وإيه أصل التعويض ده، على الفور اتصل بمصدر من مصادر الوكالة المعروف عنهم الفشر والذى أبلغه أن كل الحكاية إن شركة كهرباء إسرائيل فسخت عقد توريد الغاز مع مصر، وبتطالب بتعويض عن الفترة اللى كانت خطوط الغاز كل يوم والتانى تنفجر.
ويؤكد المصدر الفشار أن مسئولين مصريين بيندموا إن مش هم اللى عملوا فيها رجالة وفسخوا العقد وسجلوا بنط على الثوار، اللى قالوا لهم "جات من الغريب ولا جتش منك".