بختك اليوم "الجمعة" من هريدى نيوز

يتكون الحمل محظوظ يتكون منحوس مع بختك اليوم من هريدى نيوز .. الأخطاء فى الزمن ده عادى اشغل بالك باللى جاى وادى لنفسك سماح تلقى إللى جاى أحلى من إللى راح
_الثور
نجم نجوم اليوم ..البس احمر بقى بتبقى منور بس أبعد عن " الثيران " الآخرين
_الجوزاء
إنت بتحب الأيام اللى كلها تنقل ..من الآخر انت ابن شارع ..تراب وكدة ما تعملش فيها مستحمى وما شفتهوش قبل كدة ده حتى اقدم من النهضة
_السرطان
خليك ايجابى العب كورة او بلى او حتى صلح وبلاش تكلكع نفسك وتعقد اللى حواليك
_الأسد
الفشل حليفك يا " اسد " هات جردل مية ساقعة و غرق بيه اللى يزعلك لانها كدة كدة خسرانة
_العذراء
الراحة وروقان البال اهم 100 مرة من المال .. بس لو جات سير المال كل الناس بتجرى وراه .. البس كوتشى بقى عشان تلحق
_الميزان
كل القلوب اتنين اتنين وانت يا ميزان حبيبك فين ؟؟ راح يجيب طابع بوستة !! كنت ابعتله اى ميل
_العقرب
جانجام ستايل او ماكارينا او صلصة ..ارقص وافرح وهيص وفكك من النكد ما حدش واخد منها حاجة
_القوس
العشوائية صفة تميز برجك والورقة والقلم لما تشخبط مش معناها انك عبقرينو ..ابعت هات اتنين كيلو مخ يمكن ينفع
_الجدي
لو كان فيه الخير ما كانش رماه الطير .. استعوض ربنا على اللى فات وركز فى اللى جاى
_الدلو
العربية تتغذى على البنزين ولديها 4 او5 غيارات ..لكن " الدلو" يتغذى على الحب ولديه غيار واحد
_الحوت
قال يا " حوت " ايه فرعنك قال .. مالقتش محيط وحوتاية لطيفة تلمنى