نشطاء يدشنون "كدبة إبريل" للسخرية من الأوضاع الحالية.. "مرسى" يتنحى عن الحكم.. "الشاطر" ملوش دعوة بالرئاسة.. الكهرباء زى الفل.. والزمالك يفوز ببطولة الدورى

دشن نشطاء مصريون، هاشتاج "كدبة إبريل"، على موقع التواصل الاجتماعى "تويتر"، بدءًا من ليلة أمس الاثنين، استهدف السخرية من الأوضاع الحالية على الساحة المصرية.
كما عبر النشطاء عن رغبتهم فى تحسن أحوال البلاد، وألا يتم قطع الكهرباء فى مصر، بجانب إعلان الرئيس مرسى تنحيه عن إدارة شئون البلاد.
يقول محمد إسماعيل، "كدبه ابريل.. مرسى فاهم هو بيعمل إيه، مرتضى منصور مش بيشتم، البلد لسه مخربتش، خيرت الشاطر ملوش دعوه بالحكم"، وأبحرت إيمى جيمي، فى تخليها للكذبة، قائلةً: "مرسى تنحى عن الحكم لأنه فضل مصلحة الوطن والشعب على مصلحة الجماعة والأهل والعشيرة".
مايا مصباح قالت،"مرسى ترك منصب رئيس الجمهورية والنحس اتفك"، وسخر mejor من الحكومة قائلاً: "كدبة إبريل.. النور زى الفل والطرق مش بتتقطع والناس مبسوطة".
ويقول ربيع بارون، "كمية الكدب اللى من وقت الثورة تعتبر حقيقة"، وقال ĤäÑőŁÍŧÖ مستر الديب "كدبة إبريل الإخوان مسلمين".
الهواري" شيخ العرب" قال، (كدبة إبريل مرسى قرر إقالة حكومة قنديل وتعيين حكومة مصغرة لإدارة الانتخابات وتغيير النائب العام"، وقال أحمد مجدى عجيزة، "الكهربا مقطعتش عندى والنت تمام جداً وسريع كمان كدبة إبريل".
هيلانة رزق تقول، "الناس كلها عماله تطلع فى أكاذيب على أنها كذبة إبريل وكدة، قال يعنى الصدق مقطع بعضه طول السنة".
وردت حنين خليل، "على فكرة كذبة إبريل مش معمولة لشعب مصر... ليه بقى؟ لأن احنا بنكذب كل يوم"، وقال معتز ساقورى" لكن ياسيد أوعى تنسى إن بلدك حباك لسه وأن الهجرة باينة حلوة بس الخير هتلقاه هنا"، وقال على الباسل: " كذبة إبريل إلغاء امتحانات الثانوية العامة والجامعات"
وعلى مستوى النشاط الرياضى، سخر محمد حمدو، قائلاً: "كدبة إبريل الزمالك هياخد الدورى السنة دى".
وقال منعم سامى، "يارب الكلام بتاع قطع الكهربا فى الصيف دا يطلع برده كدبة إبريل"، وعلق أحمد الشيتانى قائلاً: "يعنى دلوقت لما واحد يقولى إن الهرم اتباع لقطر .. أصدقه ولا اعتبرها كدبة إبريل.. محتار".
وقال شريف حمدى" ده أنا هحور شوية تحوير فى الشهر ده، وفى الآخر هقول كدبة إبريل.. لو حد قاللى إن مرسى قال أنو هيلغى الدعم ع المحروقات .. أصدقه ولا اعتبرها كذبة إبريل".