بالصور.. مواقف محرجة للفتيات بسبب «نسيان المحفظة».. أمل: «كنت هتفضح في الميكروباص».. منة: «ملقتش الفلوس وأنا بشتري تذكرة القطار».. فوزية: «اتكسفت عند الكاشير».. وهبة: «اعتذرت للبياع ومشيت»

التعرض لنسيان المال في المنزل أو فقدانه بينما تركب وسيلة مواصلات أو تحاول شراء شيء ما، يعتبر من المواقف التي لا يحسد صاحبها عليها، حيث يتعرض كثيرًا للإحراج، ما يضعه في موقف صعب نسيانه.
روى مستخدمو موقع التواصل الاجتماعي «فيس بوك»، أطرف المواقف التي وضعوا فيها بسبب فقدان المال أو نسيانه بالمنزل عبر صفحة "The lady" عبر فيس بوك.
زميلتي في ثانوي أنقذتني
قالت أمل: "أنا عرفت وأنا راكبة العربية بالمواصلات والعربية مشيت وقلت هاتفضح دلوقتي فضيحة اللحمة في العيد وقلت هاكلم السواق واستسمحه بس ربنا بعتلى واحدة كانت زميلتي في ثانوي ركبت في الطريق ماشوفتهاش من زمان، وبعد الوقت دا كله أول ما نتقابل استلف منها فلوس بس كانت كسفة بنت لذينة".
اكتشفت إنى نسيتهم وأنا بشتري تذكرة القطار
وأضافت منة الله: "أوف كنت مسافرة وراحة اقطع تيكت للقطار هوب مالقتش معايا غير كوينز، وكان ناقصلي نحو نص جنيه على تمن التيكت أعمل إيه أعمل إيه وأنا واقفة قصاد الناس قولت للي بيقطع التذاكر مش معايا غير دول، قالى طب خليهم معاكي يمكن تحتاجيهم في مواصلات داخلية، قولتله والله أبدا واديتهم ليه وأنا لابسة ومتشيكة وإيه".
كسفة عند الكاشير
وقالت فوزية: "طلعت المحفظة على أساس فيها فلوس اشتري المقاضي عن الكاشير في السوبر ماركت، انتهى فيني المطاف اقلب في المحفظة فاكرة فيها كاش يخليني اشتري الأغراض، ولكن طلعت الطامة نسيت إني استخدمت الفلوس في شغلة تاني، رجعت للبطاقة واللى كان فيها مبلغ بسيط خولني اشتري بعض الأغراض وبقيتها رجعتها، هي مرة ولكن درس".
اعتذرت للبياع ومشيت
وأضافت هبة: "اه حصلت كذا مرة أكون بشتري حاجة والاقيها مفيهاش أو ملقيش المحفظة نفسها.. لو كان معايا حد بستلف منه مش معايا بعتذر للبياع إني مش هاخد الحاجات وامشي بس ببقي محرجة جدا".
وروت شروق: "كنت رايحة اشتري حاجة وأنا بحاسب اكتشفت غني نسيت الفلوس في البيت فاعتذرت له، وقلتله معلش أنا شكلي نسيت الفلوس بالبيت، وهاجي اخدها بالليل وكدا والراجل عرض عليا اخدها، وبعدين أجيب الفلوس مفيش مشكلة، بس أنا رفضت طبعا وقلتله أنا كدا كدا نازلة بالليل مفيش مشكلة بس كان شكلى زي الزفت".
أخذت الشنطة ودفعت بعدين
وقالت رينادا: "للأسف صارت معي وأنا في الدكانه وانحرجت جدا لما ما لقيت الجزدان.. بس هو جارنا وهو وحكالي معلش روحي، وبعدين بتعطيني شكرته وحكيتله رح أنزلك المصاري مع أخوي كان موقف زفت جدا".
وأضافت علا: "أنا بعد ما جمعت مشتراوتي وذهب لادفع وجدت إني نسيت حافظة نقودي، ولكن من حسن حظي كانت صديقتي معي ودفعت هي مؤقتا".