قصيدة هو وهي

هو: بحبك كلمة قلتهالك بمعني تاني
حستها غنتها الفت عليها الغاني
هي: وأنا خايفة من الحب ده صدقنى مش هتحمل جرح تانى
انا لما انجرحت قبل كده..
وقفت الحياه وفضلت انا اعانى
هو: لا متظلميش قلبي ولا تتهميه بالزايف
ولا تلوميش حبي وتخلي قلبك خايف
حبي ممكن يكون سبيل وحبك ليا سلسبيل
يعبر بينا حياة تانية
وتحسي إنك معايا مرة بالدني
هي: الخوف دايما سابقنى
صدقنى مش بأيدى.. جرحى مكنش هيين
حبه كان ساكن وريدى.. مهو بردوه كان حنين.
وكان بيخاف عليا ياما.. منكرش انى نسيته
بس ساب فيا علامة
اصلى بعده غابت من وشى الابتسامه
هو: طب ليه فكراه وبتجرحيني بسيرته
طب ليه مش نسيااه وبتظلمى نفسك
هو انتى فاكره أنه راجع ولا فاكر اسمك
انا إلى كتب حبي على أوراق الشجر
ورسمت قلبك على القمر
ونقشك اسمك على الحجر
وعديت برمشك الشط والنيل
وعزفت لحن حبك على الالحان والمواويل
وكتب قصتنا في المجلات والجرانين
هي: مبقولش انى فكراه
بس جرحه لسه جوايا
وكونه أنه فاكرنى اصلا مش فارق معايا
كل الحكايه انى بقيت معقده