«سكوت البنت».. شعر أحمد على

سكوت البنت يا سادة
سكوت أصلا بدون إبهام
فمتبصش وكالعادة !!!!!
تقول ده ضعف واى كلام
ده أصل البنت لو تبكى
بكاها بيتقلب أحزان
ثقتها بتتقطع ف الناس
وقلبها يتقفل بسلام
وأحلامها اللى كات وردى
بترجع تانى تبقى أوهام
ده قلب البنت يا سادة
ف يوم لو اتكسر من حد
بتبقى ف وضع لا مبالاة
ويطرح منه مليون سد
ولا تآمن لأى حد
بتفقد أي حب بجد
ولو ف يوم يقرب حد
تحطله ميت مليون سد
وعن حياتها يا سادة
تعيش عادى بدون موضوع
بقلب صوته مش مسموع
وتضحك ضحك هيستيرى
ف أي كلام ولو بدموع
دى دايما ف وشها ضحكة
تدارى بيها أي دموع
ده ليل البنت يا سادة
سهر حزن وحياة ودموع
ف نص الليل وبالتحديد
بتفتح ذكريات فاتها
وبتفكر ف واحد كان
زمان ماسح لجروحها
وفاتحة موبايلها وبتلمع
دموعها ف نور شاشتها
وتبقى حياتها روتينى
بدون أي تغيير مشروع
وصفت البنت يا سادة
ومهتميتش بالموضوع
ف سيبها ف حالها وحياتك
لا تشغل بيها أوقاتك
ده لو ركزت ف أحلامها
هتصحى بالدموع موجوع