دليلك الشامل للتصدي لحالات التحرش الجنسي في العيد

مع انطلاق أول أيام عيد الأضحى المبارك واستعداد النساء والفتيات للخورج من منازلهن للتنزه والاستمتاع بأجواء العيد تبدأ أيضا استعدادهن للتصدى لحوادث التحرش والاعتداء الجنسى اللاتى قد يتعرضن لها أثناء وجودهن في الشارع.
وهذا ما دفع مبادرة خريطة التحرش الجنسى لنشر ملف شامل أو دليل للتعامل مع حالات التحرش ومنع تلك الجرائم البشعة، وذلك في إطار دور المبادرة وأهدافها.
و في السطور التالية نعرض عليكم طرق التصدى للتحرش وحماية المرأة المصرية.
-إنك تتدخل بأي شكل من الأشكال لما تشوف جريمة تحرش جنسي بتحصل قدامك .
-لو انت في مكان زحمة وشفت حد بيحاول يتحرش اقف في النص عشان تعزلهم ( أو تفصل بينهم)، لو قلقان من التدخل نادي على حد يساعد .
-قول للمتحرش "اللي بتعمله ده مش مقبول هنا وأحسنلك تمشي" .
-خد المتحرش على جنب وقوله عيب اللي بتعمله ده .
-زعق في وش المتحرش وقوله اللي بتعمله ده ما ينفعش .
-اعرض موافقتك على الشهادة في القسم .
-حاول تشتيت المتحرش بسؤاله عن الوقت أو الاتجاهات .
-صور المتحرش لو عرفت وافضحه .
-اسأل المتحرش بها لو محتاجة مساعدة .
-ابعت لخريطة التحرّش وقولنا إيه اللى حصل، إمتى وفين برسالة قصيرة على 6069، أو من خلال الإيميل أو تويتر أو على موقعنا أو فيس بوك، كل التقارير اللى بتجيلنا مش بتظهر اسم المرسل.
-استخدم الخدمات المجانية المتاحة من دعم نفسي ومساعدة قانونية، ممكن تتصل بنظرة للدراسات النسوية (01011910917) وتعرفي معلومات أكثر.
-اعمل محضر في قسم الشرطة ده حقك وفي قوانين ممكن تستخدم لإدانة المتحرش، تابع الصفحة دي عشان تعرفي معلومات أكثر عن كيفية عمل محضر، أو اتصل بنظرة للدراسات النسوية (01011910917) للدعم القانوني المجاني .