شباب "فيس بوك": الشعب يريد إعدام كاتب خطابات مرسى

حاول بعض الشباب تفسير حصول مرسى على الدكتوراه من باكستان، وقالوا إن تصريحاته كانت غير مفهومة، وهو ما اعتبره الباكستانيون نوعًا من الفلسفة العميقة، الغريب أن مرسى لم يكتف بخطاباته الغامضة، ولكنه تمادى واستعان بكاتب جديد لخطاباته يورد بها معلومات خاطئة، الشباب طالبوا بإعدام كاتب الخطابات، على الجانب الآخر طالب الشباب بأن يتم منح الفنان سعد الصغير جائزة الدولة التقديرية أسوة بدكتوراة مرسى، فماذا قالوا..
منى صلاح الدين: فعلا يا مورسي...البيرونى هو اللى اكتشف الدورة الدموية الصغرى... وابن النفيس كان قاعد جنبه بيقور كوسة.
منة الله صلاح الدين: الشعب يريد إعدام الراجل اللى بيكتب خطابات مرسى ياعم هو بيغلط لوحده مش محتاجك تكتبله معلومات غلط
محمد جاد: مرسى خد دكتوراه فى الفلسفة تحت شعار لا حياء فى العلم.
أحمد حمدان: أنا منهار من انبهار باكستان بمرسى..21 طلقة مدفع ترحيب وبانرات وصور مغرقة الشوارع ..هى الناس دى ما عندهاش قناة سى بى سى ولا إيه؟
سمر على: جامعة باكستانية تعطى مرسى دكتوراه فخرية فى الفلسفة.. دى حاجة كده ماتفرقش عن إن سعد الصغير، يحصل على جائزة الدولة التقديرية فى الأدب من مطعم كشرى أبو طارق.
كرم نعمان: مرسى يشكر باكستان على دورها فى حرب أكتوبر وصبحى صالح يقول إنه كان بيتغدى يومها.
إبراهيم سنوسى: بس البرادعى ده طلع برنس والله.. يا ترى دفع كام لباكستان عشان تعمل كدة فى مرسى؟ كدة مش فاضل غير محامى مبتدئ وصورة السلطانية ونرفع قضية حجر على الرئيس.
هبه الله محمد على: هو الريس استلم الدكتوراه الفخرية فى مغارة على بابا وألا إيه؟