شباب "فيس بوك" يكشفون سر منح باكستان الدكتوراه لمرسى

كشف شباب "فيس بوك" السر وراء منح مرسى شهادة الدكتوراه الفخرية، حيث لم يفهم مانحوه الشهادة شيئا من خطاباته، وهو ما جعلهم يختارونه لمنح شهادة الفلسفة، "فيتو كافيه" رصدت تعليقات الشباب..
عماد النهرى: "السبب فى أن مرسى أخد الشهادة فى الفلسفة إنهم كانوا بيحاولوا دايما فى باكستان إنهم يفهموا حاجة من اللى بيقوله مرسى، بس فشلوا، وعلشان كده عرفوا إنه فيلسوف كبير وإدوله الشهادة فى الفلسفة".
حمدى: "حب مرسى للشهادات أكبر دليل إنه مش مستوعب إنه رئيس جمهورية، وفاكر نفسه لسه فى الزقازيق بيحضر ورق للهجرة.. ده مش بعيد يكون مقدم على كورس إيطالى".
نور على: "كفاية حقد بقى الله يخربيتكم.. هتخربوا البلد.. يكفى إنه معاه آى سى دى إل".
نرمين مدكور: "يقدم على كورس إنجليزى الأول بدل ما هو فاضحنا.. والأحسن يمشى خالص".
محمد إبراهيم: "بعد زلزال باكستان... الهند تقرر إعفاء ديون مصر مقابل أن مرسى يلغى زيارته".