مغردون يكشفون معاناتهم مع المواصلات.. محمود: «العداد بايظ يا باشا».. عماد: «فلوسي بتموت بالبطئ».. ياسمين: «هنبقى 10 ملايين في الأتوبيس».. وأسماء: «السواق حاجز الكرسي اللي جمبه للبنت اللي تعجبه»

أطلق مستخدمو موقع التواصل الاجتماعي «تويتر»، اليوم الأربعاء، هاشتاجا جديدا حمل عنوان «مشكلات مواصلات مصر»، دخل ضمن قائمة تريند الموقع، وتفاعل معه الكثير من المصريين، موضحين خلاله بعض المشكلات التي تواجههم خلال حياتهم اليومية مع المواصلات، ومن جانبها رصدت «فيتو» بعض التعليقات.
«الأغاني»
قالت آية كردي ساخرة: «لو نسيت قيمة نفسك افتكر سواقين الميكروباص وهما بيتخانقوا عليك»، وأضافت نيفين مصطفى: «نيجي للأغاني.. الأغاني عند السواقين مهمة جدا!! هموت وأعرف ليه بس هي واضح إنها مهمة، مش مهم يسمع الناس عشان يركن على جنب»، فيما قال عادل النمر: «كل ما اركب مع سواق يقعد يحكيلي همومه، هي ناقصاه».
وغردت ريم محمد قائلة: «البنزين عند السواق بيطلع مابينزلش ويحسسك أن إنت اللي رفعت سعره»، وأضافت ندى محمود ساخرة: «أنا سواق مصري لو ما سرعتش عند المطب وشغلت أغاني حزن وجراح أتحرق»، فيما قال محمود عبد العزيز ساخرا من سائقي التاكسي: «العداد بايظ يا باشا».
«فلوكس فيصل»
فيما قالت أسماء حافظ: «السواق حاجز الكرسي اللي جمبه للبنت اللي تعجبه يركبها وبالنسبة للشباب الملطوعين ولا الست العجوزة دول مش بشر»، واشتكى عماد من مشكلة الأجرة قائلا: «المشكلة أن الأجرة 75 بدي للتباع جنيه مايرجعش ربع وأرجع وأنا مروح أديله جنيه يطنش.. أنا فلوسي بتموت بالبطئ يا جماعة».
وغردت ياسمين محمود ساخرة من زحام المواصلات العامة قائلا: «إحنا بعد 30 سنة هنبقى 10 ملايين في الأتوبيس»، وقال محمد محمود: «ميكروباص فلوكس فيصل مبوظ الشارع وربنا السواقين بيقفوا في أي مكان زي ما تكون راكب توكتوك»، وتابع أشرف الصياد: «الناس الرغاية في التليفون وخصوصا الستات وجع دماغ، والسواق اللي يحلف طلاق تلاتة ما طالع إلا لما العربية تكون مليانة».
«علبة سردين»
وأضاف محمد سيد: «السواق بيقلبها علبة سردين»، فيما قال سيد عبدالعزيز: «يوم ملوش ملامح لما تركب قدام جنب سواق رغاي متمرد على أوضاع بلده السيئة ومجروح من بنت خالته عفاف»، وقال محمد نجاتي: «مشكلات مواصلات مصر مينفعش نكتبها على تويتر لأنه مبيقبلش غير 140 حرف ودي عاوزة 140 ألف مجلد».