سلمي صباحي: بحب بيومي فؤاد أداؤه هايل في كل الأدوار

أشادت سلمي صباحي، ابنة مؤسس التيار الشعبي حمدين صباحي، بموهبة الفنان بيومي فؤاد، مؤكدة أنها تحبه منذ أن شاهدته على المسرح قبل أن يحقق شهرة، وردت على القائلين بكثرة الأدوار التي يمثلها في مسلسلات رمضان هذا العام قائلة "الراجل أداؤه هايل في كل الأدوار ومفيش دور أثر ع التاني، لما تلاقوا حد ناجح ويستحق النجاح اللي هو فيه افرحوله يا جدعان".
وكتبت سلمى صباحي تدوينة على فيس بوك "بحب ‫بيومي فؤاد‬ جدا من يوم ما شفته ع المسرح أول مره قبل ما يتعرف ويطلع في التليفزيون.. راجل موهوب وطريقته مميزه من صغره كافح واتمرمط لحد ما ربنا كرمه بعد سنين كحرتة.. العالم مستكترة عليه النجاح والفلوس ما هو ياما طلع عينه وعلى فكره ده حال أغلب الممثلين ماتنجموش كده في يوم وليلة ده مشوار طويل وياما أحبطوا وحاولوا تاني بس انتو ماشفتوش غير النجاح ده وبعدين رمضان ده موسم يعني أغلب الممثلين بيعيشوا عليه طول السنة... لما تلاقوا حد ناجح ويستحق النجاح اللي هو فيه افرحوله يا جدعان.. يا ساتر‬!"