باسم يوسف ينتهي من تصوير برنامجه Democracy HandBook

أكد الإعلامي الساخر باسم يوسف، أنه انتهى من تصوير حلقات "Democracy HandBook"، كما أنه صور "اسكتش" عن الإسلاموفوبيا في أمريكا، خاصة في موسم الانتحابات الأمريكية.
وكتب باسم يوسف تدوينة على "فيس بوك"، قائلًا خلالها: (بعد أكتر من شهرين تصوير خلصنا من عشرة أيام تصوير حلقات Democracy HandBook زائد سكتشين صورناهم في مارس عن الإسلاموفوبيا في أمريكا وخصوصا في موسم الانتخابات الأمريكية.. البرنامج يعرض على الإنترنت ابتداءً من 7 يوليو، وهو عبارة عن حلقات قصيرة خمس دقايق فيه عرض لجوانب السياسة الأمريكية من وجهة نظر واحد عربي (اللي هو انا) وهو برنامج باللغة الإنجليزية تم إنتاجه بالكامل في محطة Fusion هنا في أمريكا، أما اسكتشات الإسلاموفوبيا فهي حتعرض الأسبوع ده. وبتعتذر للتأخر كان المفروض تنزل من اكتر من شهر).
وقال أحمد دسوقي: "طب ينفع كده يا د باسم.. تعمل الحلقات بالإنجليزى وجمهورك مصرى عربى.. كده هاتحرمنا إننا نستمتع بيه.. إنت عارف كأنك بتقول اتفرجوا على فيلم إنجليزى من غير ترجمة.. وإنت عارف إن معظمنا متعلم في مدارس بسيطة مش لغات وبنكافح علشان نتعلم إنجليزى.. طيب ترجم الحلقات بالعربى ويبقى كده حل وسط".
وأضاف وائل كمال: "يعني اسكتشات الإسلاموفوبيا هتتعرض لينا هنا ولا في أمريكا، لو هتتعرض لينا يبقي ملهاش لأزمة خالص، وعلق ديموند هارت بقوله: "مسبتش أمريكا في حالها... ده انت مصيبة يارتني كويسة في الإنجليزي كنت تابعتك بجد متغاظة إني مش هعرف أشوفك".
وردت زينب أحمد: "بليز رجع برنامج البرنامج حتى لو على يوتيوب أرجوك"، وتابع الجهيني أحمد: "يا أدمي ارجع لليوتيوب.. واتك عنك التعالي يا باسم.. الساحة فيها ما يكفي إنك تنتج كل يوم حلقة تزيد على 45 دقيقة".